[align=center][align=center]يا معجزة فالجمال وحسنها الزيني
***الوصف في بحرها ما له مجاديف
سبحت للي خلق و خلاك تغويني
***واللي غدق في جمالك له تصاريف
لا تسألي يا بنت وش يعجبك فيني
***كلك حياتي عجب ما له تواصيف
كلك نعومه حلاوة طيبة وليني
***لطيف طبعك حبيبي يطرب الكيف
شكلك عجيب غريب ما هو هجيني
***أصلك تربع رفيع العالي النيف
حروف قافي عن الموصوف تحذيني
***الوصف بك يا غلا ما يقبل الزيف
وصفك تعلا وحاز أعلى المثاميني
***والنقد في وصف حسنك به تكاليف
ليت المسافة قصيرة بينك وبيني
***بوصل ترابك وأجي لك جية الضيف
يا بدرعمري بنورك فرحة سنيني
***يا ريحة الطلع و القداح في الصيف
ضن القلب بالليالي بك تلاقيني
***يا حيف لوخاب ضنه فيك يا حيف[/align]
بون2\1\2007[/align]
