ملحق ..قبل عيد الضحيه !!

السلام عليكم ورحمه الله .. وكل عام وانتم بخير قبل الزحمه

واستلم لاهنت

سلام الله على ملحق سلام ٍ يطرب العربان0000 على بسم الله الرحمن نبديها وننهيهاا
قبل عيد الضحيه نعقد القمه مع بليهان0000 نحاول نصلح اوضاع ٍ عجز شيخ البلد فيها

وعليكم السلام و الرحمه و الاكرام ..

العسجديه ..

(( شاعرة غرابيل ))


بدايه فعلاً تطرب و تشدّ الانتباه تركيباً و مضموناً .. :)


كل عام وانتي بخير و ازهلي الصف ..


في انتظار بليهان ملحق المخلين :)


واصلواا

بداية قوية يالعسجديه ..

بصراحه مبدا مغري لكن له معزب ..

صح لسانك ..

بانتظار ملحق ..

تحياتي ,,,,

برج المملكه

حضور يشبه المطر لاعدمنا تواجدك ايها الشامخ


ناصر القزلان

صح بدنك ولاهنت على المرور

لكما احترمي

وعليكم السلام والرحمه ... كل عام وأنتي بخير والجميع بخير


ودوووتس


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ألا يامرحبا ترحيبتٍ يرجح بها الميزان=عدد مالاحت بروقٍ تكاشف في مناشيها
خصال المؤمن المسلم ليا منه عهد ماخان=تراء بعض الدعاوي مالها ياكود راعيها[/poem]

.

.

وعليكم السلام ورحمة الله وبركاته


العسجديه


مرحبابك تراحيب المطر



بدايه قويه من شاعره متمكنه جدا




وانا بصفك والمخرج ملي



والصب على روس الظوامي




وان انت يا بليهان



الليل الليل


ياملحق المخلين

الله الله
دوووك

الا وابك البقاء وافطن وثبتها على نيشان0000 ياكم تفاق صيد اخطى وانا ماظن تخطيها
زمان مختلف فيه الذيابه ترتع مع الضان0000 ولكن وش نقول ان كان حاميها حراميها

برج ياهلا والله ويامرحبا .. أنت تدري أنك مقفلٍ نسبه طلوع من زود حبك ..

<<<<<<< يحاول يكسبك في صفه


ناصر ياهلا ويامرحبا


حياك يالغالي


مرزوق

<<<<<< رهجه بطنه يوم شاف أسمك ولا يدري عن باقي ردك ..

المهم حياك وهلا

مرزوق الغنامي

يامرحبا ملياااااااااااااار حضورك له نكهه خاصه وجودك بصفي يشرفني ويزيد النور نور

لك احترامي وتقديري

ياسلام من الشاعر والشاعره
بس مادري وشلون امسك صف العسجديه والاختلاط ممنوع

ياسلا ياسلام

هااااتس


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا لاني فارس الميدان ماقلتي هذا العنوان=ولالتس هم و الله ماتروّح لين اسميها
أشوف وعندي الحل المناسب مير مهما كان=نظام امن الوزاره والوزاره كيف نلغيها[/poem]

.

.

صحت قلووبكم جميع

ومتابع معكم هنا

الا وابك البقاء وافطن وثبتها على نيشان0000 ياكم تفاق صيد اخطى وانا ماظن تخطيها
زمان مختلف فيه الذيابه ترتع مع الضان0000 ولكن وش نقول ان كان حاميها حراميها





الله الله



يالعسجديه والله الكلام اللي يجمد على الشارب


ليلك ليل



ياملحق المخلين




وانت منت بقليل شر



مار مهجود مهجود



واصلوووووووووووووووووووو

ابو عبدالرحمن


ياهلا والله ويامرحبا


نشكر لك حضورك


مرزوق

أدخل على الله لا تربكني خلني أركز مع المحاوره

دووووك

كفوو لكن تركد بالعجاله ماقضينا شان0000 ابضبطها على الهادي وابكتبها وبمحيها
وابسندها على الي رجح الكفه بلانقصان00000 عسا ه يلجم الي للحراسه في مفاليها

ابوراشد لاهنت على المرور

ابوعبدالرحمن حيالله حضورك ولاهنت على المرور

مرزوووق الغنامي مرور ثاني فيه دعم نفسي معنوي خطير لاعدمت حضورك

الله الله

العسجديه

في صفك والمخرج ملي

وملحق المخلين بيني وبينه الله معاد اداني صفه مرره مرره

ايه يالعسجديه شبي عليهم النار لاخلينا من لعبك وجزالتك

هاتحياتي

بعيد المراميس

مرورشاعر بحجمك يعني لي الشي الكثير

دام حضورك

هاااتس

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا اشوف السفينه راسيه ياحي ذالربان=وأبا أغوص البحر وأخذ من المكنون غاليها
بعد ماكلفو حراس قالو هاذي الاوطان=وش اللي في ضميرتس للحراسه قد رسمتيها[/poem]
.

.

بعيد المراميس


ياحبك للمزح.. الصف يحتريك <<<< يتمنى

صحت قلوبكم

ومازلت متابع

حياك الله يابو عبدالرحمن




متابعتك شرف يالغالي


وياجعلك فالوجود

دوووك


انا بلقيس مارضى حكمها لو كان مهما كان0000وانا اشوف الضياغم تجتلد والغبن ماليها
ترى الاعور يشوفونه مفتح ديرة العميان00000 عوامل نقص في بعض العرب يالله تشفيها

هااااتس

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لك الله نعرف أنتس بنت شيخ بمنزلة راكان=والارنب ماتروّح لو نجودها با أذانيها
ترا المسؤل أعرفه مجهله والله فصيح لسان=لكّنه جامل الثرثار لجل علوم ناويها[/poem]

.


.

الله الله الله



لعب وفن ورستكه


فاتتني المحاوره لكن مازال فيها بقيه



العسجديه

شاعرة غرابيل المبدعه


جزله جزله لاعدمنا ابداعك

ملحق المخلين


شاعر مايحتاج اشهد لك


لكن تراك ازعجتني من يوم بدت المحاوره وانت تقول تعال في صفي :)




معي بلكه وفي صفك وعيوني في بعيد المراميس وبرج





متابعين للمبدعين


واصلوا لو بكره



دمتم بخير

ياهلا ومرحبا


مباك تشهدلي واثق طال عمرك ..

يعني المكالمه ماراحت خساره أول مره أستفيد من الكلام معك ..






بس لو تترك بعيد وبرج وتصك مرزوق بالبلكه اللي معك أكون لك من الشاكرين ..


خلك فالصف ياذيبان

دوووووووك

لك الله اعرفك من لابة ٍ يوم لقاء فرسان0000 نصيتك واعرف انك تفتهم وشهي معانيها
عزايه بالبطانه تصحي المسئول ياابن فلان0000 او اسج القدم وابعد عن الحيه واراضيها

اسامي

حضور لايشابه اي حضور اسعدني مرورك وتواجدك

مع اني من شفتك تكثر مدح وانا عارفه بتقول بصف ملحق

بس ماشي انا معي القوه الضاربه مو محتاجتك هالمره(برج ومرزوق وبعيد) من قدي يالله لاتغير علينا :)


لاعدمت حضورك

هااااتس


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مدام أنتس تجيبين الذهب والول والمرجان=رفيعت شان وأم جنيب تحت الحزم خليها
ترا الغلطان مايقدر يعلم واحدٍ غلطان=لكن أقول اللتس بعدين معهم ويش تاليها[/poem]
.


.

ترى ملحق تسذوب

اول شي جواله مفصول

ثاني شي هو عندي في المقهى هههههههههههههههه



لاتسذب


<==== منفحس يوم يقول ما احتاج شهادتك :11bomb:

لكن في صفك ومرزوق بيني وبينه خطوه ونص ما اقدر مسوي معه حلف

لكن الباقين بيني وبينهم علوم


=========

العسجديه

هههههههههههههههه


ها خليهم ينفعونتس لامنّي طشيت روسهم بالبلكّه <= بالشدّه


:11air: <===== واحتمال بالكرسي زي هذا :نيني:




.

اسامي

البلكّه معك الها شهرين ماجالها فعل :huglove: يمديها تفتفتت ....


حياك فالصف ونورت

أنت تدري أن في قيلون ولا ودك تزعلني :vampire:


خلك فالصف على شان صوتك زين ...

دووووك

كما السوق السعودي في تذبذب والبلا خسران0000 مجنن والمجنن يبتلش منهو يناحيها
ياملحق المرض مزمن وطبه مستحيل الأن00000 واظن اشهار موقع محترم يبعد حراويها


وصح لسانك مدد بلاعدد وبيض الله وجهك يالذيب

هههههههههه

هاااتس



[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
والا ياطير رفرف منت والله فالدير بلشان=أبا أعزم وأتوكل والرجل ماعاد أبا أثنيها
مدام ان الجماعه فالبلد راكبهم الشيطان=على حسب الكلام اللي صدر ماني مزكيها[/poem]

صح لساااانتس وسلمتي تشرفت بمجاراتس

.
.