(المكيـــــــــــــــــــ� �ـــــــــــــف)
[align=center]سلامووووووووووووووووه
عليكوووووووووووووووووه
<<<===أنبح صوته:biggrin:
بنانيت شباشيب لكم وحشششه
<<< ===فيه عرق نصب :biggrin:
تسسسمعون بالمكيف (الكندشن ) باللغه الحجازيه :biggrin:
بقولكم قصتنا مع الكندشن :هاها:
مره من المرات جمعنا أبوي وكان اجتماعاً مغلق فقال يا عيال فيه مفاجأه
خالكم (ابو كبكات بيجي باكر) ؟؟؟؟
يالله وش هالمفاجأه ذيك الأيام كان اللي يطق كبك هذا كأنه
جاي من الفضاء ولا صديق الأمير ولا الملك
المهم كان هذاك الشخص ابوكبكات هو المبجل عندنا ويجينا في بيتنا الخرابه
يالله وش عنده وش يبي
قال ابوي
canvrst >>>>سامعها في الراديو برنامج هيا بنا نلعب :biggrin:
المهم أبوي سوى هالإجتماع يجس نبضنا
لا نولع في خالي وتخرب الهديه.... خوش جس نبض ..
أخواني كل واحد قام يفكر وشي الهديه اللي يقول
أكيد بيعطي كل واحد ريال جديد لأننا بصراحه من نشوفه ألا بالعيد
والثاني يقول الظاهر أنه رايح لمكه وجايب مساويك يابسه أو قريض
وأنا أقول الظاهر أنه جايب سيكل لنا نلعب أنا وأخواني
وأختي تقول أنه أكيد جايب ديرمان :هاها:
<<<< هذي أختي رومانسيه عندها مرايه :11ctor:
وتراها بنت نعمه عندها بطاقة صراف لاقيتها طايحه في الشارع .....:biggrin:
المهم أبوي يقول أكيد أنه جايب لي زبيريات مقاس 45 من القصيم ....
ما درينا وكل واحد في أحلامه وأوهامه وجاء:artist:
بكره ما درينا عنه ولا بعد جانا نوم نتحرى لخالي يجيب الهديه ....
الله يا ربي تخلي لنا خالي يا رب ....
وجاب هديه معه بسم الله علينا صندوق حديدي
ومستطيل وثقيل مررررره وله أزره وفيه شي ينفخ
ويطلع هواء بارد >>>> يقول عاد خالي الله يجزاه خير هذا كنديشن ....
ركبه لنا وشبكه بالكرهب وبعدين بدا ينفخ وينفخ وينفخ هواء بارد
تقول كنها في مزرعه .. وتهب عليك الهواء شماليه . :biggrin:
وبدا أبوي يقول كل هذا صرفيه كرهب كان جبت نعال ....
ولا تلفزيون ملون ولا ثلاجه وقضينا الله يعافيك ...
المهم خالي قال المرة الأخرى ... انشاء الله
(والله أنه كاش الولد) شكله صديق الملك.... :biggrin:
من بكره ماحد راح للمدرسة وأبوي ما راح للدوام
وكلنا قاعدين بالمجلس ما نمنا لليوم الثاني على التوالي
مبسوطين وكل واحد يجي عند وجه المكيف :biggrin:
ينفخ عليه ويجي اللي بعده بالسرا الين جانا النوم حوالي الظهر
من اليوم الثاني ونمنا كلنا عنده
..... الله تصدقون ودنا أننا ما قمنا أبد من النوم يا زين ذيك النومه ....
وبدون وسايد ولا بطانيات ولا شي جحاليط ... :biggrin:
ومن بكره يعزم أبوي شياب الجيران على المكيف ...
ويتقهوون وينبسطون ويتشققون الشياب :biggrin:
كل واحد طاق سروال السنه وبدا يتهوى من فوق ومن تحت .... :biggrin:
انبسطوا من أبوي وطلع أعز صديق عندهم :biggrin:
ومره عزمت أختي راعية الديرمان صديقتها عليها
وأبوي محذرنا لحد يطق المكيف ألا لكبار الشخصيات :11owoff:
وشغلت أختي لصديقتها المكيف ...
رحت وعلمت أبوي كان قاعد مع أصدقاه عند المقبره يسولف هو وياهم
المهم جاك أبوي ودخل عليهم وبدا يجرجرهن بشوشهن وطردهن ... :biggrin:
وطلعت أنا أحسن صديق عند أبوي .... :واو:
وطلعت في الحاره علينا إشاعات أننا نتعامل مع اليهود:vampire:
وأننا متعاونين معهم ولا وش
جاب المكيف لكم...
ترى القصه حقيقيه حصلت قبل سسنه تقريبن :biggrin:
في الحلقه الجايه أنتظروني مع المروحه :biggrin:
باياااااااااااااااااااااا ااات[/align]
