أنا لي معك يا ناعس الطرف كلمة راس ..
السلام عليكم ورحمة الله و بركاته
تحية موده وتقدير لغرابيل واعضائه وقرائه الكرام ,,فقط للتواصل وتسجيل الحضور في هذا المنتدى الشامخ
بشعرائه وكتابه .. اقدم لكم هذه القصيده وهي عباره عن مزحه متمثله في ابيات متواضعه اتمنى ان تنال استحسانكم :
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,darkblue" type=2 line=1 align=center use=sp num="0,black"]
أنا لي معك يا ناعس الطرف كلمة راس=أبنشدك عن رقمك وبيتك وعنوانك
تفضل وخط الحبر واكتب على القرطاس=تفضل علي من زود فضلك وبإحسانك
أنا جيت تلعب بي حبال الرجا والياس=تدابير فكري بين ضربك و نيشانك
على شانكم صرت أنقل الكتب والكرّاس=وأشارك مع الدكتور لاجلك ومن شانك
شريت القلم والحاسبه واضرب الاخماس=وكلّي تمدّن لاجل اوافق تمدّانك
ومن سكبتي متكشخ (ن) في جديد لباس=أبي ربع كلمه من حلى حالي لسانك
أسوي ثقل لو كان انا حايس (ن) محتاس=اكح اتحنحن .. مقصدي لفتة اذهانك
دخيل الرموش اللي لها حنية الاقواس=و ترمي سهوم الموت في غظة اعيانك
لطيف الحشى وألطف من الغربي النسناس=و يا مرتوي عودك و يا عود ريّانك
ليامن حصل لي الوصل يا قد يا مياس=أعدّه بوادر طيب من طيب جدّانك
معك شاعر الكذبه مع النظم قوة باس=شياطين شعره كلها طوع شيطانك
يتوّج معالي كذبته من عقود ألماس=ولا عنده اي إشكال في طرق بيبانك
أباخذ معك سجّه على غفلة الحرّاس=لعل السنين تزين في سجّة ازمانك
ولامن نويت الصد واعلنت لي الافلاس=ولا ناشني من عدل كيلك وميزانك ؟
تبرّيت من كلمة غزل قلتها بإحساس=و يا هون فقدانك و يا هون نسيانك
توكّل و فالك زين يابو عيون نعاس=على البعد جعل يثور عجّك و دخانك[/poem]
وسلامتكم
:icon_smil
