معــــــــاناة يتـــــــــيم,,,
[poem=font="Simplified Arabic,5,crimson,bold,italic" bkcolor="transparent" bkimage="" border="solid,4,darkred" type=1 line=0 align=center use=ex num="0,black"]
ماجتني الدنيا على ماتمنيت=والحزن غنّته الدموع الشقيّه
اهيّد بصوتي بلحن الحدا ليت=يمكن يقوم الحظ قبل المنيّه
تكتبني الونه قصايد وكم بيت=ترسمني الدمعه حظوظٍ رديّه
تجيني الدنيا إلى مني اقفيت=وتقفي إلى جيت ابتسم بالهنيّه
ياحظي وش باقيلي وش خذت وخليت=امن القهر اصفق براحت يديّه
ياوجد حالي وجد شيخٍ بنا صيت=انهد عز الصيت وشد المطيّه
يمشي وعبرات الزمن والتناهيت=توسم جمر من فوق خدّه غليّه
مليت انا من غربت القرب مليت=مااعرف انا عمٍ نواني بجيّه
انا يتيمٍ في حياتي تلوّيت=حنشان يومي وقتها سم حيّه
ياعمي مانبغا ريالك إلى جيت=ابي السؤال اللي يبيح الخطيّه
قلت الله اكبر يالي فيكم تسميت=وقلت آه ياخالي قديم العطيّه
غريب حالي بين الأقراب غنّيت=واكتم انا غيضي بهذي وذيّه
خلقت اشوف افراحي ترحل وناديت=افز واتبعها وتعصف عتيّه
عواصف الهم عجّها لامن اخطيت=هبت على لحظة فرح ماهي ليّه
على فراش الحزن لاظقت لجيت=اتوسد الدمعه ولحفي اذيّه
أشق انا جيبي إلى صحت وونيت=ألحق بونه صرختينن قويّه
صدري تفتت من تناهيتي تفتيت=مالي جدا ياحرق الأهداب ليّه
متلويٍ في مرقدي كل مابيت=كني على جمرٍ بكيّه وكيّه
بس لو تحداني الزمن له تحديت=مايلوي ذراعي ويحكم عليّه[/poem]
شعر فهد مفلح الشهراني
