انا من شان خاطرها ببيع الكون واشريها
[poem=font="Arial,5,royalblue,normal,normal" bkcolor="transparent" bkimage="" border="none,4,gray" type=0 line=0 align=center use=sp num="0,black"]
هلا باللي ملك قلبي وعمر داخله اوطان=وانا ماقدر على نظم القصايد دون غاليها
ابنظم لك قصيده وارتجل واكسر الاوزان=ويفداها جزيل الشعر واللي ناظم فيها
رشيده والرشاده جات من خالِِِِ ومن عمان=جزيله والجزاله ماتعدى فوق راعيها
كريمه والكرم ورث لها من قاصي الجدان=حنونه والحنان يبان من لمسه اياديها
وامي والامومه عندها نبع من الوجدان=حواني واحتواني جيتها بالحيل مغليها
عديمه والعدم في وصفها يبقى على الازمان=فريده في طبايعها ومواقفها ومأسيها
اودك يابعد نظم القصيد وروعه القيفان= وانا من شان خاطرها ابيع الكون واشريها
توصيني على المقضاه وتنادي ابي سلطان=واجي واقول يالبيه والمقضاه اوديها
رجاي الله وبالله مرتجي الواحد الرحمن=يطول عمرها ومن المرض ربي يشافيها
وتبقى مالكه عمري وقلبي داخله انسان=وانا مقدر على نزف القصايد دون غاليها[/poem]
