إهداء لمنتدى غرابيل ... ( وعساها تنال الرضا من الجميع)
اخواني الاكارم : مشرفي واعضا وزوار منتدى غرابيل
السلام عليكم ورحمة الله وبركاته وبعد:
هذه مشاركه جديده ومستعجله كتبتها
لإعجابي باقلامكم الزكيه ومنتداكم الشامخ واسمائكم اللامعه
أمل قبولها ولكم خالص التقدير
[poem=font="Simplified Arabic,6,black,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
اسماً لوامع ومجدٍ شامخٍ راسه =في المنتدى اللي يسمونه غرابيلي
ما غربل الرجل غير الفكر واحساسه = بمعانقه للبواتع والجحافيلي
لن المراجل تبي تفكير ودراسه = وجهد يذلل به الصعبات تذليلي
ما ينفع الادمي نومه ومجلاسه = الا شموخه وصعبات المواصيلي
يجني ثمار التعب عزه ونوماسه = كسب المداغيش من جزل المحاصيلي
مبنى طموحه ومرقا المجد من ساسه = في سلم المعرفه عسر المناويلي
ثنتين من معدن الرجال ونحاسه = اما طلوع العلى والاّ المحاويلي
والعرف ماهو بكبر الجسم ولباسه = لن الغلا في الذهب والكبر للفيلي
الجهل له ناس مير العقل له ناسه = اعني زحول النشاما والحلايلي
هذا زمانٍ وقع حره وقرناسه = في فخ بعض المحايل والمحابيلي
وان كانت القافيه بالوزن حساسه = جاروا عليها معجنة الصلاصيلي
واليوم فيض المشاعر هب نسناسه = يا نسمة النود بالمعهود هبيلي
خذت القلم بكتب الموضوع بسياسه = ابغاء سفينة مقام الشعر ترسيلي
واثر السفينه بموج البحر غطاسه = في مد مع جزر يا عيني ويا ليلي
ترا المهابيل للمفهوم عكاسه = ما يفتخر بالهبال الا المهابيلي
والطيب ماهوب شياً سهل وطفاسه = من نور بيض المشاعل والقناديلي
لكن اظنه وقع زيره لجساسه = نكبة حزيران من فتنة اسرائيلي[/poem]
الشاعر /علي ربح بن مصلح السبيعي
