المشاركة الأصلية كتبت بواسطة صالح محمد العنزي
اخواني الكرام اهدي اليكم هذه القصيده
اتمنى ان تنال رضاكم
[poem=font="Simplified Arabic,6,black,bold,normal" bkcolor="transparent" bkimage="backgrounds/7.gif" border="none,4,gray" type=2 line=0 align=center use=ex num="0,black"]
الله مـن شـي نشـوفـه بالأ عـيـان = شـي تمنيـت البـشـر يتركـونـه
هيـض خفوقـي للقوافـي والالحـان = وعذب الشعر قمـت اتخيـر لحونـه
ماخذت معنايـه مـن فـلان وفـلان = انقـي المعنـى واحفظـه واصونـه
ولاني بنظم القـاف حايـر وبلشـان = نبعـي غزيـر ولايقـل مخـزونـه
ياصاحبـي ناظـر لوقـت بـدا الآن = وقت عيونـه مـادرت عـن جفونـه
ولاتلومني لو اقضـي اليـل سهـران = تـرى فـؤادي زايــداتٍ طعـونـه
ناسٍ لها صـدرٍ مـن الحقـد مليـان = مـن جـاه خيـر همهـم يحسدونـه
كلامهـم كلـه سماجـه ونقـصـان = ودرب الرجولـه والشـرف مايبونـه
هم والمخازي والردى صارو اخـوان = محـداً بهـم للعـز تنظـر عيـونـه
والعبـد رزقـه قـدره رب الاكـوان = اللـي غنـي واللـي كثيـره ديونـه
وان مارزقه ربٍ فرض خمس الاركان = كـل المـلا ماظنـتـي يرزقـونـه
والصاحب اللي لصاحبه صار خـوان = عسـى زمانـه بالشـدايـد يخـونـه
وعسى الذي يرضى لراسـه بحقـران = ينشال راسـه مـن عوالـي متونـه
وعسى يميـن مابهـا فعـول تنبـان = يجـي بيـوم عظمـهـا يكسـرونـه
يمنى قصيره جعلهـا لقطـع الايمـان = مضرابهـا وهدّاتهـا فـي صحونـه
احد سعـى يطلـب معالـي ورفعـان = بيـت الكـرم ثبّـت قواعـد ركونـه
واحداً يجي ساكـت ولوكـان منهـان = من الخوف يرضى في حياة المهونـه
مدحه وذمـه للعـرب صـار سيـان = ياعـزتـي يالابـتـن ترتـجـونـه
ورجـل مماتـه للرجاجيـل خسـران = مـن قيمـتـه جماعـتـه يفقـدونـه
ورجلٍ مماته ماجعل شخص زعـلان = مستعجلـيـن وودهــم يدفـنـونـه
تـم الكـلام وخايـب كـل شيطـان = شعـر ولاتصعـب عليّـه فنـونـه
عطـرت قيفانـه بكـادي وريحـان = خايـف مـن الشـعـار لاينقـدونـه[/poem]
