ابشــــــــــروا ...بها "لعيونكم"
[align=center]مساء الخير جميعاً
امانه .......... ماتحسون ان هموم الحياه نستكم الماضي الجميل
من ذكرياتكم الجميله؟
امانه .......... ماتحسون انكم تشبعتوا من قصائد الهجاء والحروب والرثاء ....الخ
وتدورن على البديل ؟
اكيد بيكون الجواب نعم
وعشان كذا جئت لكم بهذه المتواضعه من "جديدي" عشان اعيشكم في جو خاص
على الاقل لو ساعة زمن
تفضـــــــــــــــــــــل وا[/align]
[align=center]http://pic.m7chat.com/data/thumbnail...omahs3oudy.jpg[/align]
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="ridge,4,gray" type=2 line=0 align=center use=ex num="0,black"]
البارحه جــــــونا ماطر=ومن "حولنا" النار مضويه
باطراف "تنهات" خيمنا=شلة شـــــــباب ٍ عزوبيه
الكل يضحك و"متهني"=ماللحزن عنــــدهم "نيه"
الا انا اكســـــر الخاطر =من سبّــتك يالشــقاويه
يابنــــــت ياللي تركتيني=ماتنــــــفعك هالمــــزاجيه
المشكله عارف ٍ طبعك=لاتـــــدعين المثــــــــاليه
لاكن عزاي الوحـيد اني=اغليك رغــــم " الانــــانيه"
لاجيت ابنساك اتــــــذكر=ذيك البـــــــراءه الطفوليه
ايام مرت وكـــنا صغار =فينا الطـــــــبايع سماويه
نضحك بلا قيد ونغني=احلى الاغـــاني الشماليه
ماكنا ندري بحجم الذنب!=وحنا نردد " يامــــــرعيه"
تتذكري زين ...ولازيد !=تتذكري زين ... يابــــنيه؟
بالعيد نفرح عشان نقول=عطـــــونا ياناس عيديه
الله واكبر ياذاك الوقت=ياحبنا للفضـــــــوليه
ياما وياما تهــــاوشنا=ياانتي بالحيل "شريه"
وياما لعبنا بحـــارتنا=على "السيــاكل" ورجليه"
تتذكري زين ...ولازيد!=تتذكري زين .... يابنــيه؟
نلعب سوى دوم "غمـــيمه"=واعــــد لـك دون هالميه
وادورك ليــــــــــــن ماأتعب=واقول وينــــك يا"فوزيه"؟
اتذكرك تختــــــبي بالحوش =بالعشه "حــوله" و"حواليه"
والقاك صدفه !! بوسط البيت=متخـــــــــــبيه بالـــدوانيه
تحت "الدواشق" وذيك الفرش=كنــــــــــك من ايــام منسيه
اشد "شعرك" وانا مقهور=واقول ..قــــــومي .. ياجنيه
تقولي "يعقوب" وشـ بك انت؟=مافيـــــــك رحـــمه وماويه؟
حسيت بالبــــــــرد واتغطيت=تعبانـــه بالحيل ...مو ليه
أثريني فجأه... "دفــْيت"ونمت=وتوي دريت اني هــــنيه!!!
تتذكـــــــري زين... ولازيد!=تتــــذكري....زين يابنـــيه؟
تتذكري كنت " نصراوي"!=وانت بمــــيولك "هلاليه
لاجاب ماجد هدف بالراس=تصير "عبْرتك" مخفيه !
تتذكري زين... ولازيد !=تتذكري زين يابنيه؟
بالطين ياما بنينا بيوت=ونمـــــــرها كل عصريه
وبالليل نسهر "انا" و"ياك"=على قصص هالحراميه
واروح للــ"مدرسه" نعسان=وانتي ولا داريه فيه !!
بالفصل ارقد ولااهـــــــتم=وذي "حالتي " كل صبحيه
بعد "التفوق" وبعد "الشكر"=اصبحت "مهمل " بجديه
كم مرة ٍ ... مرني الاستاذ=واعطاني "صفعه" علانيه
وكم مرة ٍ وبعدها ياكم !!=بذاك " العصا " قطــّع ايديه
تتذكري زين ... ولازيد!=تتذكـــــــري زين.... يابنيه؟
البارحه جــــــونا ماطر=ومن "حولنا" النار مضويه
باطراف "تنهات" خيمنا=شلة شـــــــباب ٍ عزوبيه
الكل يضحك و"متهني"=ماللحزن عنــــدهم "نيه"
الا انا اكســـــر الخاطر =من سبّــتك يالشــقاويه[/poem]
وسلامتكم
