أنا لو قلت "وايلية" أحس بنشوة من أعماق..
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
أنا لو أكتب أبياتي لأجل لوعة هجر وفراق=أحس الذل كاسيني وأعرف وش معنى مسكينة
أنا لو تجري دمعاتي وتحرق وجنتي احراق=مااحني راسي لمخلوق وأبكي عند رجلينه
أنا لو أظلمت دنياي وحسيت خاطري قد ضاق=أروح لمنهو يفهمني ويمسح دمعي بحينه
أنا أترجمها عبراتي حروف تضمها الأرواق=ولا أشكي أبد لإنسان لو هي روحي بيدينه
حسافة دمع هليته غالي بثورة الأشواق=حسافة كل كلمة حب مني انقالت لعينه
خسارة وقتي ضيعته ونبض له دوم خفاق=نذرت له عمري لأجل أرضيه ويسعد باقي سنينه
أنا له أكتب أشعاري من المغرب الى الإشراق=أنا في باقي ساعاتي أشيل له همه وأعينه
حبيبي اعذرني لو قلت لك بنهي قصتي بفراق=حبيبي يكفي ماجاني من الحب وسكاكينه
أنا غيمة وفا تعطي دايم جوها براق=أنا لو أظما ماأبخل على من مد لي يدينه
أنا بنت الشيوخ مكرمة عز وأدب وأخلاق=أدري ان الهوى ظالم..يقهر ضيفه ويهينه
أنا لو أفخر بنفسي بيوت العز لي تنساق=فخري بذاتي من أهلي مربا الجود وبانينه
أنا لو قلت "وايلية" أحس بنشوة من أعماق=واذا جيت أفخر بـ "وايل" حرفي تقصر يدينه
أنا اللي يشتت همومي ويشرح صدري اليا ضاق=ذكري لواقعي الشامخ بين الفينه والفينه[/poem]
