اهدي لكم هذه القصيده
واتمنى ان تنال رضاكم
لاغرابه
[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
مبـــــداي باللي قدرته بين حــــــرفين = مــــنـــزل عـــلى خيــر البريه كــــــتابه
ناصر صلاح الدين في حرب حطـــين = ولاصـــــكــــت الــبــيــبـان ماصك بابه
ســـار القــلم يكتب على الطرس بيتين = من خــــاطـــرٍ يـــمـــلي عــــليـــه الكتابه
يـــمـــلــيه شي شايفه شوف بالعـــين = في وقـــتـــنا الــلي وش بـــقى مــاجرابه
لـــقيــــت نـــاس نـــــفعــــها للبعيدين = ويـــابـــغضـــها لـــنـــفع الخوي والقـــرابه
نــــاس ليـــاجالستـــــها بـــالـــدواوين = تـــــظـــن نــفـــســـك جـــالـــس مع ذيابه
وكـــل واحــد ٍمنهم شبيه لبـا الــحصين = يـــبـــيـــن لـــك وقـــت الـــلــزوم انسحابه
نــفــعه عــديــم ٍ لابـــغوه الــقريـبـين = وللاجنبي تـــوحــي الــرعـــد في ســحــابه
يــبــغى يــقــال فــلان والـله ونعمين = وقـــت الـــشـــدايـــد مـــن هــقــابه لــقابه
مـــايـدري انـــه عــــــاكس للقوانين = وان الــــرجــــل مــــن غيـــر ربـــعه زلابـه
في وقـــتــــنا شفت الخلل بالموازين = وقـــــت شـــربــنــا من مــــرارة شــــرابه
سبــــحان مـــن خلا الردي له محبين = و ناس تــــــــقــــول لـــيـــاحضـــر مرحبابه
وش عـــاد لـــو هو كان يملك ملايين = عـــــز الـــلــــه انّـــا مـــــاحسبنا حــــسابه
لابـــــارك الله بـــالــــردي والرديـيــن = واللي حــــــــــضوره ما اختـــلف عن غيابه
نــــعــــيش فــي وقــت غبر والله يعين = ومــــهـــما حـــصـــل في وقــــتنا لا غرابه
وتـــرى البـــشــر لابــد يوم مقــفـــين = لـــيوم بــه الــمخلــــوق يـــلقى حــــسابه
في ســـــــــــاعة لناس يوضع طريقين = الــــلـــه ينجي اجــــســــامنا مــــــــن عذابه [/poem]
