[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=ex num="0,black"]
أضم الجرح في صدري والملم خاطري المكسور=وتسكن داخلي أوهام شظايا من بعـض صـوره
ينام الصمت في صوتي وكلامي واقف ٍ محظور=ولا تعبيـر يمنحنـي شجاعـة نفـس مقهـوره
وعيني تلمح غيابك وتسـأل طيفـك المسحـور=على وين العزم ياخل جرحت الـود بحضـوره
وجرحي يبتسم موجع شفاتـه دمـي المهـدور=وتسمعني في صمت الليل ذياب الحقد مسعـوره
ولا يقدر على تحريك لسان الصـادق المغـدور=تسمم من لظى ظلمك مشاعـر حيـل مكسـوره
ظما شوفك غلاك أقفـا وحبـك راح يالمغـرور=وبامسح مني تاريخك عساها مـا غـدت سيـره
واذا باقي ولك ذكرى بتسكـن بيتـي المهجـور=ولا تحلم ترى من باع ابيعـه ونفسـه مذعـوره
أنا في داخلـي نـارك ألمهـا يشتعـل ويثـور=هجير القـرب ينفثهـا لهيـب ٍ يحـرق بنـوره
وقبل انسى ماتسـوى وداعيـة كـذب وفجـور=وقصتـك ابحكيهـا روايـة وهـم مسـطـوره
وجرح ٍ منك عانيته توقف مـن نزيـف شهـور=وشمسي ساطعه بالحب ونفسي اليوم منصـوره [/poem]
[align=center]شعر/ علي الغبيشي
نشرت هذه القصيدة في مجلة ( إقرأ ) العدد 1564 [/align]
