[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ان قلت ابكتب لي قصيده فالقصايد نادره=من سمعها قال الله الله يامزايين القصيد
القى القريحه في مواعيد الكتابه غادره=تعطيني المطلع وتتركني مع المطلع وحيد
وتغادر المسرح وتتركني بقلايع وادره=وتقول دور للجديد ان كان باقي به جديد
وتبدى طلايع هاجسي ترقا ونوب حادره=خيل المعارك متعبه لكن قايدها عنيد
من بادرة خطة فشل تعديل اصل البادره=ومن الفشل انك من احباط الفشل ما تستفيد
مافيه في قاموسها صعبه ولاني قادره=وعنوان رحلتها يقول العزم فلال الحديد
ان فات ركب الوارده مافات ركب الصادره=وان وقفت فالمنتصف احذر من الاول تعيد
سقها كما الامواج في قلب الرياح الهادره=لا تاقف الا في شواطي سجة الفكر البعيد
هذا هو المسرح كذا ترضاه والا غادره=غادرت مسرحها وانا كلي اسف لكن سعيد[/poem]
.
