بكـــل صـــراحة وجــــرائــــة

السلام عليكم

اول شي مساكم الله بالخير

طيبين؟

وش العلوم اخبار منا ولا منا شي سمعناه او ماسمعناه

الله يلخليكم كلكم لبوانكم

حبايبي حصل لي موقف واحترت اني اطرحه أرضا على طاولتكم المميزه في التشرشح

والتحليلات

طبعا اصريت اني ابطح الموضوع لكم وهذا انا اسدح المتهم بين أيديكم


ياجماعه والله اللي قاعد يصير مصيبه في اسواقنا ومجمعاتنا

طبعا كلكم شباب ماشالله تبارك الله محد يخفى عليه شي والحال من بعضه

يعني البنت اللي تروح السوق ولابسه مخصر وعطرها يشمه السكيرتي اللي عند باب السوق

قبل لا تنزل من السياره

<<<<<<<<< نعنبوهن من وين يجبن ذالعطورات

المهم ان البنت هذي تواجه غزل من بعض الشباب اللي ماوراهم الى الصياعه

والمصيبه بعضهم مسوي بطران وولد نعمه ومسمي نفسه وليد

وهو في الحقيقه اسمه صلبوخ ويعيرونه بالحاره دغدغ

دغدغ ========== ولد حارتنا لقيته يرقم بسوق الواحه سد نفسي وطلعت

بس ترى ماهوب صديقي ابد ابد

المهم والولد طفران وعاطل ماحيلته شي ابد

طبعا المنظر هذا خلاص تعودنا عليه وصار الوضع فري

المصيبه ان تجي بنت محتشمه وساتره نفسها ويبتليها واحد مايسوى طرف نعولكم اعزكم الله

الموقف اللي شفته بالواجهه البحريه يوم الاربعاء 20/7/1424موقع الحادث: الواجهه البحريه بالخبر

يوم الاربعـاء <<<<<<<<< حافظ التاريخ عشان تكون فيه (مصداقيه)

لقيت بنتين مع امهم عجوز جا واحد من الشباب اللي (كحي كحي) لابس جنز وماشالله احس انه مايقدر يمشي من زود الضيق

مانلومه تعرفون البرد الشديد اللي هل يومين حال على الشرقيه

جا ولحق وحده من البنت وهي جمب امها العجوز وسوى حركه ماهي كويسه

<<<<<<<<< على الفطره اعذروه :(

التفتت البنت وقالت لواحد واقف لابس شماغ وعقال (الزي السعودي)

قالت عقالك لو سمحت ومد لها العقال

قسم بالله ياهي مددته ومترت فيه شوارع الكرنيش ومحطته لين قال آآآآمين

قربت منها وقلت اختي عيب اللي قاعده تسوينه لا تعالجين الخطاء بالخطاء

والصراحه اني ذليت تمحطني لانها بنت وببتلش معها والناس بيحطوني غلطان لو غرضي شريف :o

المهم البنت انقطع برقعها وعطيتها شماغي قلت البسيه وقلت لمها العجوز خلاص ياخاله خذي

بناتك وتوكلي على الله بلى فضايح


طبعا مااننكر كلكنا موقف البنت كان بطولي ووقفت فيه وقفت عز وشرف

قالي واحد من الشباب كان معي قال هذي والله بنت العز

بصراحه يوم قالي هالكلمه تلعثمت ومدري وش قلت لاني ماعرف ارد بهذا الخصوص بالذات

وطلع في خاطري مليون استفهام واستفهام

بنت الشرف تطلع بدون محرم؟؟؟؟؟؟؟؟؟؟؟؟؟؟؟؟

هذا لو هي رايحه سوق ؟؟؟؟ بقاله شي تقضي فيه اللي تحتاجه !! بس كرنيش هذا اللي مادخل راسي


ياليت ياحبايب كبدي ويعلم الله اني حيل اغليكم

تعطوني آرائكم حول هذا الموضوع خصوصا اني كاتبه وتعبان عليه وعاصرن مخي عصر

وحاولت اكتبه باسلوب سهل يخليكم تفهمون الموضوع بسهوله

لان هذي قضيه تخص مجتمعنا وياليت كل واحد يدلي بدلوه

اسئله تطرح نفسها وطاحت علي قبل اجيكم

1/ وين الهيئه هل هي قامت بالدور المطلوب منها؟؟؟؟؟؟؟؟؟؟؟؟
2/ وين المحرم ولا صار الوضع فري خلاص ؟؟؟؟؟؟؟؟؟؟
3/ البنت المحتشمه واللي تتعرضله من مضايقات؟؟؟؟؟
4/ وش الاسباب اللي تتوقعون ان لها دور فالحوسه ذي كلها؟؟؟؟؟؟؟؟
5/ وشهو اقرب حل للي قاعد يصير ويتطور يوم ورى يوم ؟؟؟؟؟؟؟؟؟

المهم عاد ان طرحت الموضوع على طاولتكم وابيكم تقطعونه تقطيع ثلاجه

تحياتي

عـــــــــذب الاوهـــــــام

.
.

راجع توقيعك وتعرف سبب الحوسة اللي قاعده تصير ..!!!؟؟؟

تحياتي لك ،،،

إعصارنار،،،

هديل الشوق

بصراحة إلى نشوف في الاسوق والمحلات العامة صار ملفت للأنتباه وبصوره غريبه جدا ....

يعنى انا لو نزلت سوق والله اشوف زحام من ها الشباب ومن البنات بشكل غير طبيعى وماكان بدنا إلا هذا السوق ....

ماعلينا نرجع لموضوعنا

ياخي أولا / البنت اذا طالعت للسوق وهي غير متحشمه وطاقه الطيب إلى يشمه إلى بأخر الشارع فصدني

تسأهل إلى يجاها ...

لانها لو طالعت من البيت وبدون محرم وهي متحشمة والله مستحيل احد يقرب منها .... بالعكس كل الى حولها

بقول والله ماعندها سالفة !!!

ففي هذه الحاله منحتاج الهيئه ..

لكن اذا صار العكس فمعناها اهي التى تبحث عن الشبهات وهؤلا هم ((الكاسيات العاريات )) التى وصفهم الله

سبحانه وتعالي في كتابه الكريم ...

واقرب حل لهذه المشكله قول الله تعالي (( اوقرن في بيتوتكن ولا تتبرجن تبرج الجاهليه ))

اخوكم
همس البدر

0
0
0
0
0
عسيب

ههههههههههههههههههههههههه هههههههههههههههه
ههههههههههههههههههههههههه هههههههههه
ههههههههههههههههههههههههه ههه
هههههههههههههههههه
هههههههههه
ههههه
هه

اثرك خبل وانا مدري خخخخخخخخخخخخخخخخخخخخخخخخخ خخخخ

ياحليلك بس والله يعطيك على قد تفكيرك الكبيــر مره


على العموم حبيت اقولك شغله ترى التوقيع حريه شخصيه في المنتدى لأي عضو
والتوقيع اللي تتكلم عنه أظن يأخي الغالي انه مايمس الادب والذوق العام
ومايحمل اي صورة فاحشه ياليت اذا تكلمت مره ثانيه انك تعم في كلامك او ترسل رساله خاصه عشان ماتحرج العضو اللي يمكن في نهايه المطاف يقلبها عليك ويحرج

بس حاول كسب الناس باخلاقك ولا ترى راح تلقى رد مايسرك مني او من غيرك انا ماحبيت اقولك
هالكلام بالعام بس انت اللي فتحت هالمجال والله يعينك على بلواك

الله لا يبلانا بس
تحياتي

اخوي الغالي همس البدر اشكرك على جديتك واخد الموضوع على محمل الجد وهذا هو المطلوب

اخوي الغالي كلامك على عيني وراسي ومايختلف عليه اثنين

بس اللي نشوفه هاليومين ان العالم ماصارت تفرق محتشمه ولا ولا

اذا مامعها محرم يحميها او حتى وجوده معها يكفي تكون محط انظار الجميع

وتكون عرضه للاساءه او قلة الادب

اخوي حنا بزمن اللي قاعد يصير فيه مصايب وبدت ظاهره جديده الله يكفينا شرها

اللي هي ان المحتشمه ومغطيه يدينها وعيونها وماتشوف منها شي تعتبر منظر غريب

وهذي حاصله وبدت اللحين تنتشر بشكل غريب

انت لو تطب اي سوق شوف كم وحده لابسه على يدها قفاز قله قليله هذا اذا لقيت بعد

تحياتي لك اخوي همس ومشكور لتفاعلك الإيجابي

اخوي هديل الشووق ..
موضوع صراحه رائع ويدل على تفكيرك المتفهم ..
اخوي هديل الشوق .. انت عايش بزمن لا تنتظر منه الاسبااب او الصح والغلط .. واللي احنا عايشين فيه ومثل ماقلت يتطور للاسوء والاسوء وفيه اشياء كثيره في مجتمعنا مفرووض تتغير لاكن حكم القوي على الضعيف .. واتوقع لو تغيرت ممكن يحصل تطور للافضل .. وغير كذا يا هديل الشوق انت عارف كيف اوضاع الخبر غير الرياض وغير الاماكن الثانيه الخبر عندنا الوحده لو مشت بدون محرم مافيه اشكال لان هذا شي طبيعي اما فالرياض وغيره اتوقع انهم مشددين من هالناحيه .. واسالك الحين انت شايف ان العيال او الرجال بالاصح فاضيين لحريمهم ؟؟ اكبر دليل كل رجال حاط لمرته سواق وشايل يده من الموضوع !! لاكن السبب ماهو وجود محرم او غيره انا عايشه بالخبر وشايفه كل شي نطلع بدون محرم ولاكن مايحصل شي لاكن احتمال البنت تكون سووت شي لان مافيه احد بيتعرض لاحد الا لاسبااب وجيهه .. وانا ماني عارفه اذا البنت كانت بالكورنيش ولا البحيره ؟؟ واذا كانت بالبحيره انت اكيد شايف البنات اللي هناك ولا ايش يسوون هناك وتلقى اجوبتك واضحه !!

لاكن صدقني اسال نفسك وشوف اذا السبب محرم او لا وانت عارف ان اهالي الخبر معظمهم يطلعون بدون محارم ليه ماصار هالشي فالبنات الغير محتشمات وصار بالمحتشمات ؟؟؟

اساله تطرح نفسها ومالها اجوبه .. واتمنى اني ما تعديت على احد واتمنى وجهة نظري وصلت بالشكل الصحيح ..

اسفه على الاطاله والشكر لك اخوي ..

تسلم ع الموضوع الحلو|1|

بس بقول شغله حضرت محاضره

للداعيه: اسماء الرويشد وكان معها التائبه شمايل

وكانت تتكلم عن توبتها|1|

وعن صدمتها لما شافت بنات السعوديه كانت تقول البنات تقريبا في جده

رايحين فيها وبنات الرياض والشرقيه في الطريق نفسه بصراحه معها

حق اللي تتلثم واللي خلاص باعت دينها وفاتشه وحاطه طرحتها ع كتفها

وين الدين والمصيبه يحسبونه مفخره:(

ع العموم الله يهدي بناتنا وشبابنا

موضوع جد رااائع

والسبب باختصااار

هو ضعف الوازع الديني عند الجنسين

واهمال الاهل في اعطاء الحريه للبنات بالخروج للاماكن العامه من اسواق ومنتزهااات دون محرم

وعقلية الشباب والبنات وشعورهم بالنقص ومحاولة اشباع رغبتهم في اثبات الذات

لا نرمي اللوم كله على الشباب فهناك من البنات من يتعرض للشباب والاحتكاك به

اذكر لكم قصه

طلعت مع واحد من اخواني السوق

وطلعت من السياره في انتظار ان يوقف سيارته في موقف نظامي وانا انتظره واذا بفتاه تمر من جنب النافذه وتطلبه رقم الجوال...

وعندما اتى الي سالته ماذا كانت تريد منك تلك الفتاه معتقده انها تساله عن عنوان او شي تجهله ولكنه ضحك

واخبرني انها قالت له بالحرف الواحد

(تعطيني رقمك والا اعطيك رقمي):(

واقسم ان هذه حقيقه

اذن اولا واخيرا ضعف الوازع الديني وانعدام الحياء هو السبب في تدهور اخلاق الشباب والبنات

اولا موضوع رائع
لكن للاسف قد مانتكلم فيه الوضع في انحدار
البنات فعلا زودوها والعيال خلف الله عليهم من الفضاوة والسخافة
انا اقول او عند الباب زي ما يمنعون الشباب يمنعون البنات اللي ما هم لابسين حجابهم زين
اما مسالة البنت اللي تروح لوحدها ماهي محترمة فلا والله مو على كل حال
كثير بنات محترمات لكن المحرم غير متوفر مين يقضي لها مصالحها بالذات اذا كان السايق
------------------------------------:o

:(

ياهلا والله فيك اختي ريانه واشكرك كل الشكر على تفاعلك

وبالاخص رأيك تقريبا هو الاهم لانك عايشه معنا بنفس المنطقه

اختي الغاليه انا مااقولك لا او اعارض كلامك

كلامك يمكن يكون صح 100% ويمكن يكون فيه شي من الشك او الخطاء

اختي الغاليه القصد كله لو ان البنت هذي تروح تقضي حاجاتها الخاصه معقوله او شي ضروري برضو معقوله

بس تروح تتمسى على البحر وبدون محرم يعني خلاص وصلنا الى حاله انا البنات بيتساوون مع الشباب

هذا يطلع وهذي تطلع وصدقيني مهما كانت البنت او الحرمه بدون محرم او سواق لازم وانا ااكد على كلمه

لازم تتعرض لمضايقه او كلام طايش على الاقل

بس لاتنسين اختي الغاليه ان الشرع بت في هذا الموضوع بادله

ومايحق لنا التجاهل او التصريف ونقول تغيرات الزمن لازم نتواكب معها زي ماقلتي

لاتحسبيني يوم اقول اني نقي كل النقاء من هالمشكله انا شاب زي اي شاب

يشدني المنظر اللي يشد غيري من الشباب وحالي من حالهم ولا كان مارحت الواجه البحريه

عشان اكون معك اكثر صراحه ويكون حوارنا صادق شوي انا اللي اشوفه تعودت عليه بس طرى علي

ليه ماطرح الموضوع واشوف رأي الناس من رأيي ولا لا

ومشكورة يالغاليه على ردك الحلو والله يعطيك العافية

اختي الجادل مساكي الله بالخير

وصح لسانك يالغاليه وهذا اللي قاعدين نشوفه

واكيد اللي قلتيه حل صريح ومثمر للمشكله اللي قاعده تصير وتتضخم

تحياتي لك وباقه ورد على ردك الحلو

اختي الغالية طيف الوله

ماشالله كلامك لا يشق عليه غبار ولا يختلف عليه اثنين

بس انتي يالغالية ذكرتي اسباب المشكله ولا ذكرتي طرق علاجها

ياليت تعطيني اساليب تتوقعين انها تعدل الوضع اللي يصير وكيف الطريقه اللي تخلينا نوقف هذا الزحف

والعادات الدخيله المتتاليه في مجتمعنا

تحياتي لك ودام شموخ قلمك الراقي

موضوع حلو .. زي صاحبه..

صراحه .. هالموضوع كبير.. لكن بحاول اجاوب على اسئلتك ..

وهذي هي:-


1/ وين الهيئه هل هي قامت بالدور المطلوب منها؟؟؟؟؟؟؟؟؟؟؟؟

- اظن وانت اكيد توافقني الراي ان الهيئه ماهي شمس شارقه على كل الناس .. اكيد ما راح تقصر لو شافت موقف زي كذا... بس ماقول الله يكون بعونهم ...ويقويهم ..

2/ وين المحرم ولا صار الوضع فري خلاص ؟؟؟؟؟؟؟؟؟؟

- اظن الاخت ريانه تتفق معي انه لا راي لي ولا لها في هالنقطه دام ان الدين حددها .. المحرم لازم .. حتى لو كانت البنت مدرسه في تحفيظ القرآن .. طبعا الا في حالات محدده ..

3/ البنت المحتشمه واللي تتعرضله من مضايقات؟؟؟؟؟

- نادر ماتتعرض المحتشمات لمضايقات .. هذي حالات نادرة ولا تنسحب عالعموم .. وانا اشوف ان اللي يضايق البنات مايستحي .. واللي يضايق المحتشمات متخلف ..وبقوووووه ..

4/ وش الاسباب اللي تتوقعون ان لها دور فالحوسه ذي كلها؟؟؟؟؟؟؟؟

- بصراحه .. نقطه تحتاج منا وقفات صادقه .. ولازم ننظر لها بهدوء وتروي .. المشكله ان البنات صعبه انها تخرق عرف عند زميلاتها .. حتى لو كان غلط .. اذا كان لكل وحده صديق .. لازم يكون عندها ... او تعتبر متخلفه .. اذا كل يوم سوق .. ولا تروح .. معناها ..انها رجعيه .. ونفس الكلام ينطبق على الشباب .. واجزم انهم عارفين ان النهايات في مثل هالعلاقات دمار .. وعارفين ان الالم اكثر من اللذه .. لكن ....... فعلا نقطه تحتاج نقاش في هدوء .. واشكرك من الاعماق .. انك فتحت هالموضوع .. واعتذر لك عما سببته هالنقطه لك من ازعاج ..

5/ وشهو اقرب حل للي قاعد يصير ويتطور يوم ورى يوم ؟؟؟؟؟؟؟؟؟

- اقرب حل ..شفه بعد اثنين كيلو .. تلف يمين تلقاه قدامك على طول ..:)
الحلول كثيره .. وفيه مليون حل .. بس مين بيسمع .. اول حل .. ان كل واحد يكون دينه عن اقتناع .. وايمان ..بالله تتوقع احد بيسوي كذا لو طبقنا هالحل لوحده ؟؟؟؟ :mad:

اكرر شكري لك .. واتمنى ماتكون مشاركتي ثقيله عليك ..

اخوك الصغير
مغربل

هلا والله اختي الغالية عسل الجنوب

مشكورة يالغاليه على تفاعلك وصراحه ردك

بس كيف جتكم الثقه في هذا السايق ولا ماعنده غريزة زي اي رجال؟؟؟؟؟؟؟؟

عزيزي هديل .....


قضية التحرر من الجنسين طامَّة, والأطم تهئية الفرص لها ........

يبقى الحل الوحيد لها , وجود الرقيب الداخلي والخارجي.....

فمابين اثنين:

خوف من الله.........

وخشية من الأثر المترتِب على الأهل والشرف في المجتمع.......

وتعلم أنت وغيرك أن العُرف يراه أهل الفقه شيءُ’ من الشرع ويؤخذ به دونما شك.......

فالقتاة لابد لها من التنحي عن مواطِن الريبة...... والشاب لابد أن يؤسس في إيمانيات كثيرة منها ( أنه كما تُدِين تدان)... ومن عفَّ عفت نسائهم..........

ثمَّ!!


يأتي دور الهيئة ومن له الصلاحية , بالحد من هذه الخُلْطة العجيبة , والتأكيد على أن العقوبة ورادة لامحالة لى من تسول له نفسه فعل أى خطأ يمسُ الأخلاقيات.........

ولاتتأسف كثيراً فماتراه ماهو سوى نتاج للغزو الفضائي والنتي و و و نسأل الله الثبات على الحق حتى الممات وأن يغفر لنا عظيم الزلات.........

وبارك الله فيك وسدد الله خطاك على الخير.............

مساكم الله بالخير ...

طبعا المواضيع والمشاكل اللي زي كذا تتكرر كثير .. وفي كل المنتديات وواقع نعيشه نحن وانتم ...


ولكن دعونا نرى من المتسبب في كل هذا ..

هل البنت ام الولد ام الاهل ام الرقيب ..

فنجد الكل مسئول ..

من جهة البنت . لو حافظت على دينها وعلى لبسها الديني .. ولا لبست المخصر ووضعت المعطر وامالت واستمالت .. لما حدث كل هذا ..

يعني (واتكلم بالعاملية ) انت يابو الشباب .. لو جاتك بنت بالسوق .. (( ولا تسوون عاقلين والله الكل بيسوي كذا )) جسم ودلال ولبس .. وش اول شئ تفكر فيه ؟؟؟؟؟؟؟؟؟؟

وبالامانه ..


اتركك تجاوب انت ..


مع إني ان سعبولتك بتسيل ..


اما لو كانت مستترة ولا تناظر يمين ويسار ... ولا تميل ولا شافت ولد .. قالت له يازينه يهبل .. طويل .. مزيون .. وسيم .... وتقعد تتساسر مع زميلاتها .. حتى إنك لو مايمسكونك اخوياك كان شمعت بعامود من اعمدة السوق .من كثر المدح ....

من جهة الولد .

إذا شفت مثل هذه المصايب .. انصحك نصيحه .. لا تحاول تجاري البنت في شئ فيه مخافة الله .. فوالله لو تدري عن الذنب اللي تجنيه كان ماسويت الشئ هذا .. واكيد إن الشيطان يأخذ مأخذه من بني آدم ولكن حاول لاتناظر ولا تسولف مع احد .

على قولة المصريين .. امشي عدل يحتار عدوك فيك .

من جهة الأهل ..
والله والحمد لله .. مانزال نقول إنا بخير .. ولكن في بعض الأماكن وبالاخص الرياض والشرقيه وجده .. فيها عجب عجاب .. تشوف البنت مابقي عليها إلا تفك العباية وتنزل الشوارع تدور وتناظر التفحيط .. وترفع إصبعين . والله من جد .. بلاوي .. اهلهم مسيبينهم إلى أبعد درجة .. فلو كان الوالد او الاخ او الام فيها مخافة من الله ومحافظة على البنت .. لما تركتها تتسكع في الاسواق بالساعات إلى منتصف الليل . ولا من طقت براسها تجيب عشى .. ماغير تمعط السواق وتخليه يوديها للمطعم الفلاني قبل الفجر بدقائق ..


وراح تسئلون لي ركزت على البنت بشكل أساسي ..

انا اقول لكم . البنتين عن رجل . والبنت ضعيفة القلب والدين .. فيها غيره وحب استطلاع .. فترى زميلاتها يتبادلن الكلام المعسول مع احبائهم الذين تعرفوا عليهم عن طريق السوق او السفر او النت .. وإهي بدون بوي فرند ..

لا مايصير إلأاروح اليوم واجيب معاي ثلاثين رقم واختار الزين والمملوح والكشخه عشان اكشخ عند خوياتي .

والله يصير الكلام هذا كثير .


وانا ابي اقول لكم سالفة صارت لي امس والله العظيم بالليل .. كنت جاي مع شارع خالد بن الوليد . مسوي تشيك على السيارة ومحلق عشان الدوام .. وانا راجع إلا ذيك السيارة اللي فيها بنت .. ماخلت شئ للعروس بليلة زفافها .. برقع ومناكير وذهب وزحمة وجوالين .. وانا واقف على جنبها علىطول .. ناظرت إلا وهي تكلم بالجوال . سفهتها وناظرت قدام .. فتحت الإشارة .. وصلنا للإشارة الثانية .إلا وهي تدق السواق شوي إلا صورت المسجل يوم ارتفع ........ والله قاعده ترقص بالسيارة........

بالله عليكم وش تسوي بمثل الموقف هذا ؟؟؟

الحين الرجال واهو رجال يمكن نقول ماهي مشكله شباب ويرقص بالسيارة مع إنها مالها داعي بس مقبوله . أما اشوف بنت قاعده السيارة تهتز فوق وتحت من كثر ماهي تهتز ؟؟؟؟؟؟؟؟؟؟؟


مصيبه والله مصيبه ..


ومن يوم تفتح الإشارة إلا مادري كم سيارة وراها ؟؟؟؟؟؟

نجي للرقيب..

فلولا التهاون من قبل الدوريات ورجال الامن والهيئه .. كان ماصار الشئ هذا .. المفروض المغازل ينجلد سفري بالسوق . وعند اللي رقمها .. اهو وياها .... لين يعضون الأرض . بعدها شف واحد يدخل السوق وإلا بنت تآخذ الرقم . والله ياصوت الخيزرانه يرن بإذنها سنه كاملة .. وبالشكل هذا راع تخلق الرعب المطلوب في عيون الأشكال هذي ..


عموما آسف على الإطالة ... ولكن اقول لكم كإن الخطأ مشترك من الجميع ..

اخوكم

بدر

اخوي الغالي مغــربل

ياهلا والله وغلا

اول شي نورت مشاركتي ثاني شي لا تقول حلو ماني ناقص نضايقات :o

وثالث شي يسلملي راسك على ردك الحلو الوافي الشافي

الحلول كثيره .. وفيه مليون حل .. بس مين بيسمع .. اول حل .. ان كل واحد يكون دينه عن اقتناع .. وايمان ..بالله تتوقع احد بيسوي كذا لو طبقنا هالحل لوحده ؟؟؟؟

تسلملي يابعد كبدي ووفيت وكفيت بردك

تحياتي لك ولا عدمت حرفك

عمدتنا الغالية

تحياتي لك مرفقه بباقه ورد مليئه بالشكر والامتنان على ماخطته اناملك

اختي الغالية كلامك عين العقل والصحه

فالغزوا المتداخل على ديننا ياتينا من كل فج ومن كل صوب

ولاكن نبقى عرب سريعين الانصياع والانقياد

توجد بعض العائلات وتعتبر في زمننا هذا والله المستعان قلائل قلة

اللهم احفظ عوراتنا وعورات المسلمين

ومن أراد بنا سوء الله رد كيده في نحره انك سميع ُ موجيب

تحياتي لك وحفِظك الله من كل مكروه

هلا والله اخوي مجنونها ياخي وش جالس تكتب انت موضوع مصرقع ولا تحل مشكله

على العموم الاسلوب هذا انا احبه واحب اللي يكتبه

عارف ليه ؟؟؟؟؟؟؟؟لان فيه متنحين مايحبون الى سوالف الخبال

وهذي طريقه حلوة لتوصيل معلومه

انت اللحين سئلتني سؤال وهو :

يعني (واتكلم بالعاملية ) انت يابو الشباب .. لو جاتك بنت بالسوق .. (( ولا تسوون عاقلين والله الكل بيسوي كذا )) جسم ودلال ولبس .. وش اول شئ تفكر فيه ؟؟؟؟؟؟؟؟؟؟

وبالامانه ..


اتركك تجاوب انت ..


مع إني ان سعبولتك بتسيل .. ؟؟؟؟؟؟

دامك قلت الامانه بجاوبك بالامانه

انا صحيح اشوف بنات الله يخارجنا منهم فتنه بمعنى كلمه فتنه مابي اوصف اخاف اقلب مسار الموضوع :mad:

المهم اني تعودت على هالشي مو مثل منول اذا شفت وحده اتلخبط واقوم اعوي تقول ذيب شايفله عنز

خلاص الوضع تغير ومن كثر مانشوف تعودنا وبالعكس انقهرنا

تبون الصدق انا بخربها واقول اللي بخاطري

وش يكون وضع الذيب اذا حطيته بشبك والغنم برى الشبك وش يسوي؟؟؟؟؟؟؟؟؟

<<<<<<< ابوك يالمناقز وعض الشبوك

او بتعبير اصح كلنا نعرف ان الصقر دايم يحطون له برقع عشان مايشوف فريسه ويموت من القهر

وهذي حقيقه الكل يعرفها

حنا يالشباب نشوف بلاوي ومانقدر نمد يدنا وبمعنى الكلمه فتنه كبيرة والرسول شدد عليه

لو تحجبت من ساسه لراسه ورشت على نفسها عطر ابوك يالسعابيل اللي بنتزل من الشباب

لدرجه انهم يمكن يقلبونها صاله تزلج

هذي من نايحه نقطه بس زي ماقلت لك تعودنا يعني اشكل مالك حيله طنش تعش

وفي كلمه قلتها انت ماعجبتني ولي تفسير ثاني لها :

ياخوي اذا قصدك البنت الخيزرانه تدودح على ظهرها هذا حل ماظني

البنت بالذات لو تقف عليها بقفص مثل الطير <<<<<<< ماهوب اللي بالمنتدى طبعا :o

لو بغت واحد بتجيبه باي طريقه

بس اساس التربيه الصحيحه والصلاح من رب العالمين

جزاك الله خير مجنونها على صراحتك وبيض الله وجهك

السايق شر لا بد منه احيانا
لكن الرك على التربية
يعني صحيح السايق موجود لكن خروج المرأة معه لوحدها ممنوع يا تجي زوجته (الشغالة:cool:) يا واحد من البزارين الي مالين الشارع
دعابه :p
من جد كلامك صحيح والمفروض ما احد يتكلم في موضوع بت فيه الشرع الحكيم
بس سؤال مين يودينا المدرسسسسسسسسسسسسسسسسسسسس سسسسسسسسسسسسسة:mad:

واحد من ابوك ولا واحد من اخوانك واذا ماوجد انصحك تفصلين مره وحده :p