هلالي عالي ,, والمشعل تربية عبدالغني
صبحكم بالخير
موضوعي عن فوز الزعيم من وجهة نظر هلالية بحته
أولا الهلال كان في قمة توهجه اليوم والعارضة كانت له بالمرصاد في كثير من الهجمات
ياسر جننهم والشلهوب مع التمياط والتائب شكلو ثلاثي خطير ومتفاهم وعزيز والغامدي خلو لاعبين النصر يشوتون من كل اتجاه لان مالهم امل يشوفون الباب او يقربون من الثمان طعش
وتجي مع العمي ضربات احيان وهذا اللي صار اليوم مع تقدم عملاق اسياء اللي كان طول المباراة يسوي عملية احماء لان برودة الجو مع برودة طلال عبدالغني واختفاء الحارثي والبيشي خلف العملاق تفاريس جاب له النوم
بتقولين ليه تقول طلال عبدالغني
بقولكم لان حركات عيال الحارة ماشفناها إلا من عبدالغني في نهائي كاس اسا بالامارات يوم مسك الكورة بيده لان الحكم ما حسب له فاول
واليوم المتحمس على عماه طلال سوى حركة مايسويها محترف ولاعب منتخب سابق
أذكر مرة ضيع المشعل هجمة في خط السته مع المنتخب وجلس يعلج علكته كانه طقاقه , والله ان حسرة الحارثي على الفرصة اللي قدام اسبانيا خلتنا نسامحه على شوته الغبية بس هالبارد والله لا وطنية ولا لعب والحين طلع بعقلية طفل
على العموم اليوم انكشف الجمهور المثالي
واصلا مجرد تشجيعهم للنصر ينفي عنهم المثالية لأن الأختيار السيء دليل على انعدام الذوق الرياضي << لا امزح :هاها:
وغير كذا يا حليل جمهور واحد يشق الملعب ويطلع من الجهه الثانية وهذولا يبون يضربون حكم الساحة واللي ألغى الهدف حكم الراية .
وانكشفت الادارة المثالية , واللي مابقي منهم احد مانزل للملعب بعقاله
اللي قاهرني
ان مالهم غير شوتين من نص الملعب والهجمة اللي حسبت تسلل ولو حسبت هدف كان انتهت المباراة بالتعادل
بس فعلا جمهور النصر يعتبر اي مباراة مع الهلال بطولة وهم ينتظرون الزعيم من سنه لسنه عشان يحققون لهم بطولة يا بالتعادل او بالحكم
الف الف مبروك للزعماء
وهارد لك للنصراوية
وياليت مايرد على موضوعي اي نصراوي كان عمره اقل من عشر سنوات يوم حقق النصر اخر بطوله
