بزر بس عله تعالوا شوفو وش هو مسوي في البيت
السلام عليكم
بصراحه انا من اليوم احوم في هالقسم وودي انزل موضوع بس مدري شلون اصيغه
المهم عاد بقوله وانتم بكيفكم
.................................................. .start............................................ ......................
عندي اخو قمله............ قزم............ نشبه........... عله
المهم البارح جتني وحده من خواتي الصغار كافخه تمشي طبلونها ويطلع من ورها غبار
وجت وجلست وراي وانا اتفرج على التلفزيون وتبكي
قلت وشفيك قالت ضربني (طبعا مايحتاج اسئل من ضربها لانه ماشالله معروف الولد بالبيت مافي مصيبه
الى من تحت راس هالقزم 0
قمت وطلعت من غرفتي الى حسيت ان واحد كان واقف ورى الباب وحط رجله
وعطيته ظهري برجع بدخل غرفتي الى وصفقه النعال في الباب وراي 00 :mad:
عرفت انه ناويها حرش ابو الشباب ولحقته داخل ومسكته وصفقته لين داخ
وقلت للصغيره روحي عند امك ولا تطلعين اعرفك ملقوفه تدورينه لين يصفقك وتجين تبكين ;)
قالت زين وهي تمشي معي تمد له لسانها 0 :p الضعيفه ماتدري انها بتاكلها بس الظاهر تعودت
البزر حقد وماقدر يتحمل طمر عليها وصفقها صفقه لوها فيني صحت وانا ذا كبري
المهم وطول الليل طقني واطقك لين قفلت معي دخلت غرفتي وقفلت الباب وراي دوام ماني رايق لهالمبزرة
المهم صحيت الصبح وركبت سيارتي ولقيت رساله على السياره فتحتها
من اخو عذب الى عذب <<<<<<<<<< حلو التمويه صح خخخخخخخخخخخخ
مكتوب فيها عذب صح انا احبك وانت اخوي الكبير بس مره ثانيه لا تطقني تفهم ؟؟؟؟؟؟؟
ومكتوب تحتها تراني برفع راسك بين القبايل كلها <<<<<<<<<< مهايطي الولد بقوه
قريت الرساله ورحت للدوام ورجعت البيت وانا والله مدري وش اقوله على رسالته وهو يناظرني ومسوي
نفسه ماسوى شي ابد |3|
المهم هذا اللي صار امس واليوم خلوني ارجع ذاكرتي ورى شوي واولع اللمبه واقولكم سالفته اول مادخلناه المدرسه طبعا اللحين كبر يدرس ثالث ابتدائي وكنه ماكبر النشبه طول عمره نشبه0
المهم هالولد صرنا ماناخذه معنا للعزايم لو يحب السما ولا يحفر الارض
ياما فشلنا وسوى مصايب قلنا احسن حل نخليه ينطق بالبيت ومن كثر القعده بالبيت صار ماعنده الى خواتي ثنتين اصغر منه يطق فيهم لين يقول بس وحنا نطق فيه لين يقول بس
المهم تطق ولا ماتطق ماتغير بالوضع شي دخلناه الروضه قلنا يمكن يهجد شوي وينشغل بالمذاكره
بس ماعندك احد جارتنا ح000م000بط
( ح: اسمها , م: اسم ابوها الزلابه , بط : هذي عيرتها )
مدرسه بالروضه اللي جمبي البيت وفشلنا فيها هذا وهي تعرفه وتعرف طبعه الاقشر ونذالته
المهم ماصدقنا على الله كمل هذا الولد سبع سنوات نحذفه في مدرسه تفكنا من شره وتشغله شوي
سجلنا ه بالمدرسه قبل بدايه السنه الدراسيه ومن يوم جاه الخبر انه بيدخل المدرسه وهو مقوم البيت ومجلسه على رجل وحده الله يصلحه ذالقمله
المهم جا اول يوم بالدراسه وهو اليوم المنشود لهذا البزر
الصباح 6.30
البزر : عذب قم قم قم قم ودني المدرسه
عذب : لحووول والله انك بلشه طس عني وشف اي واحد يوديك
البزر : طيب انا بروح اجل بلحالي
(كنه يبيها من الله )
الوالده : عذيبان قم نعنبو ذالعاصاقيل اخوك بيضيع بالشارع
عذب : يايمه سمي بالرحمان ترى المدرسه قريبه ثاني شي ورعتس ماشالله عليه
حافظ الحي شبر شبر
الوالده : قم ولا ترى بدعي عليك
(تهديد الوالده اذا ماسمعت كلامها)
<<<<<<<< يخاف من دعاوي العجز
عذب : طيب اللحين بجيه قوليله لا يطلع000
شغلت السياره وتعرفون السياره اول ماتشغلها يبيله وقت عشان تحمى بعدين تحط رجلك
والبزر نشبلي رايق على الصبح انواع المطامر داخل السياره
البزر : عذب بسرعه ياخي ترى بيسكرون الباب بعدين مايخلوني ادرس
<<<<<<<<< عذب : بنظرات حقد طيب طيب
البزر : ترى صويلح ولد( 000000)<< اللي يبي يشوف اسم ام صويلح يشترك بأوربت
خخخخخخخخخخخخخخخخخخخخخخخخخ خخخ
عذب: وانا اقول وشفيك عجل
عجل = يعني مستعجل مع انه في الحقيقه عجل يعني فرخ اللي انتم خابرين
المهم ودخلنا المدرسه والولد ماشالله عليه يسابقني عشان يدخل مع باب المدرسه
<<<<<<< اذكر يوم حنا صغار كان الواحد يصيح في الفصل اسبوع ومايسكت لين تخلص دموعه
( اقول عذيبان شكلك بتمسك خط وتعلمنا بسولف على كيذا ماحنا مخلصين الى الصبح )
دخلنا الفصل حق اووووووووول ابتدائي
كلهم طول ركبتي خخخخخخخخخخخخخخخخخخخخخخخ
كنهم بساكيت ابو نص
ياحليلهم بس
وكل واحد جالس جمبه ابوه
والله كنه شايل جوال بيده مو ورع خخخخخخخخخخخخخخخخخخخخ
المهم وانا جمب اخوي النشبه ويوزع ابتسامات للرايح والجاي :confused:
جلسنا اول يوم وهم يقولون من حافظ صوره قل هو الله احد والصور الصغيره وعد ياحبيبي من واحد الى عشره
وتعالوا وشوفو الضحك اللي يقمز رقم واللي يطمر آيه واللي يخلط ارقام مع حروف
ههههههههههههههههههههههههه ههههههههههههههههههههههه
جلسنا يمكن ساعه عن سنه وقالو خلاص خذو بزرانكم معكم وتجون بكره وتخلونهم بلحالهم
اليوم الثاني والبزر معنويته نص ونص يعني مو متحمس صرنا نغصبه
البزر : عذب بتقعد معي اليوم بالمدرسه 0
عذب : لا حبيبي اليوم تجلس بلحالك انت رجال
<<<<<< البزر عيونه امتلت بالدموع بس للحين ماصاح
دخلته المدرسه وهو ماسك يدي بقوه ودخلنا الفصل وصياح البزارين وبكاهم راج المدرسه
واللي يدرسون بثاني وثالث يمرون من عندهم ويضحكون كنهم شايفين شي جديد ولا مابكو يوم كانوا في أول
ياشين زعاطت البزران بس
قلت يالله حبيبي انا بروح وبارجعلك اذا جيت تطلع واخذك 0
<<<<< البزر انفجر من الصياح وتعلق بثوبي لا تخليني بروح معك تكفى ابي ابوي
عذب : نعنبو بليسك امس راجني بالمدرسه واليوم ماتبيها وش اللي غيرك
البزر : مبي
(مبي= مدري وش تبي هالكلمه )
المهم وخليته هو ودموعه يبكي وطلعت
يوم جيت آخذه وقت الانصراف الى هو طالع مع باب المدرسه ووجه معفس
( شكله حاقد علي بقووووه )
المهم واقرب منه السياره
عذب : يالله حبيبي اركب بنروح البيت امك مجهزه لك غذا وابوك شاريلك هديه يقول هذي لولدي الشاطر
اللي صار كبير واللحين يدرس
( يابيخك اي والله )
البزر : انقلع ضف وجهك يا (000000)<<<<<<< سبني الله يهديه طبعا باشتراك
عذب : لحووول يالله الجو حار مره تعال لا تصلخك الشمس يالخبل
<<<<<<< البزر = سكت وراح جمب المدرسه وجاب حصا وحدايد مدري وش يبي فيهم
عذب : حبيبي وين بتوديها لا يكون بتعمر عماره لي وانا مدري
<<<<<<<< البزر الله لا يوريكم انواع الحذف على السياره بغا يكسرها ويفلق راسي بس ربكم ستر
مايعرف يمزح اخينا في الله اثره من جده ناويني
المهم ورجع البيت مشي وانا بالسياره وصار كم هوشه بالبيت وتصطر وعصي ونعول 0
المهم انه اللحين بالنسبه لنا كنه ركد شوي مع الواجبات ورجه المدرسه والملاحظات اللي الله لا يوريكم
يعني اذا عندكم بزر زي هذا اللي عندنا سجلوه بسرعه وافتكو من شره
.................................................. .......the end............................................... ...................
