~*¤ô§ô¤*~وجبة مطافي من كنتاكي ~*¤ô§ô¤*~
انبثق شعاع شمس القايله في جامعتنا الكريهه, وابتدأ صياح الدكاتره معلنين عن انتهاء المحاضرات,
وانبلجت خيوط السماء من خلف الغيوم الكثيفة , معلنةً عن الساعه الثالثه ظهرا.. كانت افواج الطالبات
تنطلق من القاعات , وكل واحده منهن تجرجر في شنطتها>>حشا شنطة مدرسه , وعلامة الفرحه بادية على
محياهن وكانهن طالعات من سجن
<<وينك يمه تشوفين بنتك كبرت وصارت تقول كلام كبير
في هذا الوقت المشين جتني اختي العصله المصله...قالت لي وين؟؟
انا : بروح البحرين.:biggrin: ..نعنبو بليسك يعني وين بروح بروح بيتنا..
اروى: فش فش تعالي المكتبه ابغي ادور لي كتاب لبحثي
انا: مالي خلقك..بروح البيت الحين
اروى: فش فش عفيه اختي حبيبتي بس اشوي بدور كتاب وانتي اجلسي على النتhttp://www.cheesebuerger.de/images/s...shalt/h028.gif هناك...
انا: نت مابي ,,,عندي بالبيت على كيفي,,,خليه لك
اروى: لاء الحين العصر ومافي مشرفات,,يعني اجلسي على كيفك هناك
انا: لاتحاولين,,,ماراح اجي معك... مابيك>>تكفين لازم تبغينها... بروح بيتنا الحين يخلص الغدا علي
اروى: خلاااااص يالدوووبه ظلي معي واشتري لك غدا مطافي من كنتاكي]
انا: اشوف اختي اروى همبرغرهhttp://www.cheesebuerger.de/images/s...hrung/h020.gif,,,وانا مفتحه عنوني وسعابيلي نازله,,,خلاص اختي بظل معك
مااقدر اخليك لحالك بالجامعه,,مقدر على فرقاك<<==نصابه
وتجي المخيسه وتجرني من شعري على طوووووول للمكتبه,,,بلا هذره زايده تعالي معي
ورفست باب المكتبه برجلي..اسوي نفسي معصبه>>امحق تعصيب:biggrin:
اروى:حشا مو رجل ادميه الا رجل ناقه,,,استحي حنا بجامعه ادخلي مثل الناس
ودخلت وانا وجههي متنفخ من الغيض...وانا امشي سيده على الاجهزه,,,ومااشوف الا وذاك الكعب على شوشتيhttp://www.cheesebuerger.de/images/s...boese/e073.gif
انا:آآآآآآآآآآآي وجع ,,,ولك عين تضربيني بعد...احمدي ربك اني مطاوعتك
<<==قامت تمن عليها
اروى: فش فش قص في رجولك..امشي مثل الناس..سويتي زلزال في المكتبه...ماظل كتاب في مكانه
وتركت اختي المخيسه... ورحت مكان الاجهزه وهي مصفوفه جنب بعضها..محد عليها وانا احترت اي جهاز اجلس عليه
قلت ماراح ازعل ولاجهاز كل جهاز بجلس عليه نص دقيقه:biggrin: ..وفصخت نعالي وقطيت شنطتي بالارض..
وحطيت طرف تنورتي في فمي وجلست اركض وانا اشغل الاجهزه كلها,,,اسرح وامرح كاني
الفيلhttp://www.cheesebuerger.de/images/s...tiere/d036.gif اللي في حديقة الطرف<<<حديقه عندنا مافيها الا فيل وقطوه وارنب افريقي
واحترت مره ثانيه في اي جهاز ابدا فيه...وعديت للعشره ,,سبحان الله طلع لي جهاز مكتوب عليه رقم عشره..
وجلست على جهاز عشره وشغلت المسن... وانا خايفه ان مشرفه تصيدني,,,
انا: ارووووه تعالي http://www.cheesebuerger.de/images/s...shalt/d058.gifراقبي لي المشرفه عشان ماتصيدني
اروى: عاد انا مالي خلقك قلت لك يابنت بدور كتاب لبحثي,,اجلسي وانتي ساكته جلست عليك طوفه
فشلتينا صيري انيقه..ولو مره وحده في حياتك>>انواع التحطيم...
ومن صوتي العندليب..احم احم...جات بنت تحوس في الكتب
انا: قمت من الكرسي ,,,وااشر بيديhttp://www.cheesebuerger.de/images/s...hlich/a040.gif بنت بنت تعالي ابغاك>>بااعلى صوتي
البنت: انا؟
انا: اي انتي اجل الجنيhttp://www.cheesebuerger.de/images/s...eufel/c042.gif
البنت: خير وش فيك رافعه صوتك,,حشا جالسه تحرجين انتي
انا: شوفي الحين بفتح المسن واذا شفتي المشرفه قولي لي عشان اسكره,,لانه ممنوع
ومااشوفها الا وهي تخز فيني.. وتناظرني بنظرات غريبه...وحاطه ادينها قص في دينها على خاصرتها وتهز.
انا: خير وش فيك.؟؟ترقصين انا ماقلت اغنيه...قلت خل اسانعها شكل البنت طربانه..قلت : هلا هلا عاشوا عاشواhttp://www.cheesebuerger.de/images/midi/musik/a028.gif
البنت: لا والله وبكل ثقه تقولينها..اقووووول قومي شيلي قشك عن المكتبه ولا عاد اشوف رقعة وجهك هنا مره ثانيه
انا المشرفه ...وش فيك ماتطالعين عدل..خدودك مغطيه على عيونك؟
انا: يؤيؤيؤيؤ,,,والله مدري انها انتي]... واسفه ..خلاص بطفي المسن وبجلس على النت
البنت: شوفي عاد...حتى النت قومي عنه...ولابعد مشغله الاجهزه كلها...اقوووول قومي طفي
الاجهزه اللي شغلتيها ,,,,
انا: خلاص بطفي الاجهزه كلها وبخلي الجهاز رقم عشره وبجلس عليه..وبخلي اختي تعزمك على كنتاكي http://www.cheesebuerger.de/images/s...hrung/d015.gif
تبغين وجبتين ولا ثلاث..عادي اختي غنيه ..
ومااشوفها الا وتضغط زر بالريموت اللي عندها وينفتح السقف حق المكتبه وتطلع منه رافعه...
وتشيلني من شوشتي وتقطني برا المكتبه>>متاثره بتوم وجيري:biggrin:
والمخيسه فشلتني وخلتني القط وجههي :زعلان: واجر وراي اذيال الفشله>>تقول كلام ماتدري وش معناه
من هذاك اليوم وانا حاقده على اختي...وقمت ماطاوعها ولا في شي..
