معشوقه الدفتر,,,,,,,,و ,,,,,,,,,, موت الميانه
بسم الله الرحمن الرحيم
قصيدة الى استاذي الشاعر فهد منيع الله الشهيب
مــعــشــوقــة الـــدفـــتـــر
[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
معشوقة الدفتر رمت كاهـل الهـم=عن صدرها الحبري وتبغى الامانه
تنشد عن اللي ما كتب همّـه الكـم=ولا همّه انّه يُكتب فصـدر خانـه
تنشد عن اللي لملـم حروفهـا لـم=اخـذ امانتهـا وعـاد إل زمانـه
امانـةٍ مـا شالهـا شيـخ مهتـم=ولا شالها شاعر طغى فـي اوانـه
الشاعر اللي شالهـا يغـرق اليـم=شاعر مدد شاعـر هـدد عنفوانـه
شاعر قراله العمى واسمـع الصـم=يا شاغـل الدنيـا وعالـي مكانـه
ياما رفعت القبّعـة دونمـا اعلـم=واكتب علـى قافـه وأردد بيانـه
في حضرته كـل القصايـد ترنـم=وأجمل بيوت الشعر تُكتب عشانـه
يا سيـدي معشوقتـك مالهـا عـم=إلاّ قلمـك وصهوتـه مـع لسانـه
كل القصايد تنتظـر قلّهـا ... تـم=عوّد وهذا الشعر روّض حصانـه
يُراق الك يا سيـدي أحمـر الـدم=لاجل الشعر يرجع ويرجع زمانـه
[/poem]
وهـنـا رد الشـاعـر فـهـد الشـهـيـب
مـــــــــوت الــمــيــانـــه
[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جتني حروف الشاعر اللي نظم نظم=نظـمٍ يبيـن سطوتـه والتعـانـه
شاعر صدع بالقاف في بحره الجم=واعطى القصايد حقها مـن جنانـه
شاعر بدا ياخـذ مكانـه بـلا فـم=مااحتـاج للتطبيـل والاستبـانـه
صمته رهيـب وشاعريتـه تولًـم=للرحلة اللي زادها مـن جماااانـه
ياشاعري,, كلـي مشاعـر تألـم=من دمعة عيون القصيـد وهوانـه
ياشاعري من يومهـا زادي السـم=في كل يوم اموت( موت الميانـه)
ياشاعري عشقـي لحرفـي تيتـم=عشق اليتيم لحضن ابـوه وحنانـه
ياشاعري بُعدي عن الشعر ميسـم=ميسم تعرقى وسـط قلبـي وهانـه
ياشاعـري لـو القصايـد تكَـلـم=كان اشتكت من جور جُرم الاهانه
السرق والتطبيل واحسـاس معـدم=كلٍ يحسب الشعـر علكـة لبانـه
هذي حروفك جت على الجرح بلسم=ياعلهـا تمنـح قصيـدي أمـانـه [/poem]
