((.. المســـتــحــيـــــلـــه.. )) !
[ALIGN=CENTER]السلام عليكم ورحمه الله وبركاته 0
كل عام وكل شخص بالمنتدى بالف خير وصحه وعافيه مع انها متاخره شوي
ولاانكر اني مقصر معكم كثير في طول غيابي
اول شي احب اهني اخوي الغالي سعد ابو (عبد الرحمن) زي مايحب والغالي سهم المنايا(ابو عبد الله)
على الانجاز المميز اللي وصل له منتدى غرابيل عاشق دخلت اليوم وشفت المنتدى وتجولت فيه لقيت الوضع
مختلف نهائيا عن قبل وهذا شي مو غريب على طاقم الاداره الناجح اللي يضم كوكبه من المميزين
المهم ماودي اطول عليكم حبيت اهديكم آخر ماكتبت واتمنى ان ينال ماكتبت على اعجابكم[/ALIGN]
[poet font="Simplified Arabic,4,black,normal,normal" bkcolor="white" bkimage="" border="inset,10,black" type=2 line=200% align=center use=ex length=0 char="" num="0,black" filter=""]
((..المســــتـــحـــيـــلــ ــــه..))....!
.
اكتبيني يالقصايد واشرحيني بيت بيت=وألهميني من القوافي جزلها وحلو القصيد
والمعنا لو تعنا قال والله ماعنيت=من كثر صبري وقهري صرت في طبعي عنيد
يارفيقي ليه تجفا وانا منك مارتويت=سم حالي في فراقه وفي مواجيعه يعيد
حط عينه في عيوني ثم ناظرت ومشيت=قلت والله مالتفت له لو في وصله يزيد
ماشتفيت من الوشايه والله اني ماشتفيت=شكوتي لله وحده وتنحرم منها العبيد
السفية اللي يتحدى هو واشكاله وطيت=ماتحدى الى رجلٍ كود في قافه رشيد
واللي يكثر في هروجه صار كيت وصار كيت=والحكي وان زاد ..منه السبايك تستفيد
ياغباءك ياهبالك كان في فكرك سريت=الصغير اللي نصاكم شيد اللي مايشيد
والمعاني اللي تعاني من مشاعرها نويت=ادرسه في كل كلمه لين في المعنى يجيد
ومن تنخوى ونتخابي والله اني له وفيت=يبشر بذيبٍ يعونه وفي مواقيفه عضيد
عالي الهمه سموح وفي المراجل اعتليت=اطالع الدنيا بتفائل والصبح يومٍ جديد
تربيه شايب رزين تحت يدينه ربيت=والصقور كثار لاكن تختلف وقت الهديد
مايشرفني لساني لو يردد قول ليت=لو وليت ماترد الروح بالجسم البليد
والمجالس دار حاكم والله اني قد قضيت=بالمراجل والشهامه واليدين وماتريد
والعيون اللي تناظر عنها ابدن ماسليت=احسب الخطوة بخطوه وفي مواقيفي شديد
والصبر حكمه ونعمه ولغير ربي ماشكيت=اتحرى واتخير دايم الراي السديد
ياجنوني يالله قومي انا منك ماكتفيت=طلسمي كل الكلام وهاتي المعنى الوكيد
والحبيب اللي شراني ..انا مثله اشتريت=قلبه اللي غير قلبي ابد والله مايصيد
في مشابيك الرموش اشبكتني وانتشيت=ولو ابوصفلك غلاها كثر شرحي مايفيد
يازهور العمر ياللي في غرامك ابتليت=ان كان شوقي لك بحر بطلب الله المزيد
ولو استحيت بقول والله اني ماستحيت=ماسمعت ان الحراره تذوب كتلات الجليد
يامُالُكاً عقَـلي وفكِري رُد ليِ ماقٌد سبيِت=ًَوأنتَ في السبي سبعاَ يمتٌلك ماقَد يُريدٌ
ماسئلتك ياعذابي وين رحت ومنين جيت=اعرفك يامستحيله قاسيـة مثـل الحـديد
لو محب المستحيل من حنانك مارويت=نعنبو بليسك احبك لا تخليني وحيـد
.
بقلب / عذب الاوهام ،،
[/poet]
