اكتب لك الآف القصايد ....
السلام عليكم جميعا ً
يسرني الانظمام لهذا المنتدى ولكم بمجهود المقل
وبمحاولات اتمنى لها القبول ولو بدرجة مقبول
.............................
[poem=font="Simplified Arabic,5,black,normal,normal" bkcolor="transparent" bkimage="backgrounds/6.gif" border="none,4,gray" type=0 line=0 align=center use=ex num="0,black"]
ياليتي شاعر واقدر اعبر عن احساسي كلام=
حتى اخفف من بعض شي ٍ بذاتي احمله=
ياليتي اقدر اكتب ابيات تثير الاهتمام=
قصدي اهتمامك انت والا يابلاها بهذله=
ودي بقصيده تاصلك تشرح مآسي هالغرام=
حتى القصايد سببت لي فوق مابي مشكله=
ودي لو اني شاعر لكن لقيت ان النظام=
مبدا الشعر ياللي تقوله منت ملزم تفعله=
وانا عباراتي مرايه صادقه للالتزام=
ان قلت احبك قلتها لك داويه ومجلجله=
ياني احبك حب لو تدري تصاغرت الهيام=
اللي يخلي صاحبه فوق الجنون واسفله=
اكتب لك الآف القصايد بس ما وحده تمام=
ما فيه وحده قادره تطرح جميع الاسئله=
عندي لك اكثر من سؤال كنها عين الظلام=
اللي رماني وسطها ثم ليل عينه اسدله=
خليتني في معمعة وقت نساني فالزحام=
ليتي بسلة مهملات الا بسله مهمله=
ما به بصيص من الآمل الا سوادٍ ما يلام=
حصل ضحيه تنتظر مثلي وقال الا اقتله=
لوه على كيفي احب او ما احب قلت السلام=
شف وش لقيت من الهوى هذا وانا في اوله=
كنت اتصور من يحب يطيّر اسراب الحمام=
ويناجي اصوات البلابل في حدايق مخمله=
كنت احسب ان الحب ترنيمه على ريش النعام=
او عالم ٍ سحري ومصباح ٍ تسير وتحمله=
لقيته اصعب من مسافر ما ربط حتى الحزام=
والطايره تهوي بهم والباقي انت اتخيله=
جفاف ريق ٍ ما يبله نهر يجري فيه عام=
هذا مثل والا هو اصعب من جميع الامثله=
اهل القصايد همهم صوره بوضع الابتسام=
وهمي انا تقرا القصيده ثم تذب السلسله=
وتذرف ولو دمعه علي وتقول كلمة ياحرام=
وان كان ذي سويتها باقي لجميلك تكمله =
تكتب لي رد ٍ تحتها مثل السند بالاستلام=
يكفي علي قريتها واكبر امل اتأمله=
.......... فهد بن محمد ........=
[/poem]
