قصيده غزليه للشاعر سعود العصيمي
اخواني واخواتي اعضاء منتدى غرابيل اشارككم بهذه القصيدة الغزليه
امل ان تحوزعلى رضاركم
[poem=font="Simplified Arabic,5,red,normal,italic" bkcolor="black" bkimage="" border="none,4,gray" type=1 line=0 align=center use=ex num="0,black"]
وقلبي اللي مع لطيف الحشاء راح = وعيني اللي ماتذوق المراحي
اسهر طوال الليل والناس ترتاح = من العشاء يالين نور الصباحي
وروحي اللي راح مع روح من راح= روّح وراحت به هبوب الرياحي
هبّت هباهيب الدهر به والارياح = والناس راحت بين ربح ورباحي
كني جريحٍ جارحه موس جراح = ولدأه ماحصّل علاج الكفاحي
فيما مضى زنده مع الناس قداح = واليوم مثل اللي كسير الجناحي
عليك ياناب الردف ظبي الابراح = ياللي على الجمس الجيد الجماحي
ابو هنودٍ كنها طلع تفاح = وعنق كما ماقيل عنق الوضاحي
وعود(ن) مع الغربي تمريح تمرياح = وطرف حور كن إبه حربة سلاحي
من صوّبه يصبح على خف وجناح = وعقب مقام(ن) قام ماقام طاحي
ومنطوق(ن) احلى من طعم عذب الافراح = مسكٍ يعج من الشفايف وفاحي
يشفي غليل الروح ويداوي الاجراح = ويفلح به اللي ماحلم بالفلاحي
حلو(ن) نباه وبالسواليف مزاح = لكن للعشاق سم(ن) ذحاحي
يشبه حمام الورق بالصوت لاناح = عديم وصفه من جميع النواحي[/poem]
