أبحكيلكم عن سالفتن حصلت لي قبل 3 أسابيع
هذا الله مير يسلمكم قبل فتره لقيت عند خيتي روج عجبني ولطشته وحطيته في شنطتي0 :11oto:
الموهم في يوم من الأيام يوم كنت صايمه في شوال وكنت نايمه الصبحيه وما عندي من الشيطان طريق :vampire: ومستانسه بنومتي إلا هاللي قام وقعد يقرقر فوق رأسي عشان أقوم أثاريها بنيتي وعمرها سنه ونصف قاعدتن تسولف علي وتهذر بكلامها الغير مفهوم :icon_conf >> يعني يا ميمتي بسك نوم يله قومي وسعي صدري 0
عاد أنا وحده ما بعد شبعت نوم قمت أصرفها بألعابها ماش البنت جابسه يعني لازقه فيني عاد أنا عين مغمضه وعين مفتحه وأنا إلي أشر لها على الدولاب اللي قدامها وفيها لعبة لها وأنا اقول لها روحي جيبي اللعبه وهي تقولي هاه وأنا أرد كلامي وهي ترد تقول هاه المهم اللي أذكره إنها كانت تخطو بإتجاه اللعبه وأنا اللي أغطي وجهي وأغط في النوم :biggrin: >> ما أسرع 000
شوي إلا جرس الباب يرن قمت من النوم وأنا ما ألقى بنتي بجنبي إلتفت للجهه الثانيه إلا وش القى ياربي :icon_frow >>>>>>>
البنت شكلها مريييييييع لا هاي مو بنتي يا ربي وش صاير لها وأنا اللي أقمز وألبس نظاراتي>> لأني يالله يالله أشوف مو مصدقه 0:زعلان:
ويش اللي صار 00
اللي صار الله يسلمكم أن بنتي المجرمه الصغيره بدل ما تأخذ لعبتها من الدولاب أخذت شنطتي اللي من خبالتي ما رفعتها وإهي ما صدقت خبر تحسبني أقولها خذي الشنطه لكن وش سوت في الشنطه ؟؟؟
تذكرون الروج اللي أنا لا طشته من أخيتي هيييه الله يسلم لي الصغيره لعبت فيه لعب هماي أقولكم إني يوم شفتها ما صدقت إنها بنتي صار نصف وجهها كله عنابي :11oud9: >> ينقالك تبي تتروج هييه ما تنلام بنت وجايها الدور0:biggrin:
والمفرش ماليته والشنطه كمان لكن كله كوم ويوم إضحكت كوم بغيت اصرخ من الروعه سنونها ما أشوفهن كلهن مغطيات بالروج وأنا علبالي إنهن طاحن :11retcher 0
وإهي ولا علبالها ولا كأنها مسويتن شيء قمة البراءه ياحياتي 0
وأنا اللي أصورها بالشكل المريع وأوريها أهلي إلا كل واحد منهم يسمي على روحه وما دريت إلا وهم يحذفون الصوره من الخرعه , والله كان ودي إنكم تشوفونها بس والله خايفه عليكم وخايفه لا تنظلون بنتي بلوكها الجديد00:icon_bigg
في النهايه أقول إن الحياة لا تحلو بدون الأطفال والأطفال ما يحلون بدون برائتهم :tongue:
رحيل الحزن00000000
