جـيـتـك شـجـاعً مـمـتـطـي قـب الافـراس ؟ كــل مـمـلـكـه شــعــري وصـهـــوة حــصــانـي
[align=center]
[poem=font="Simplified Arabic,6,darkblue,bold,normal" bkcolor="white" bkimage="" border="none,4," type=2 line=0 align=center use=ex num="0,black"]
أحـــســـاس ؟
.
عطني ورق وأعطيك من نبع الاحساس=شعرً يخلد بالهجوس المعاني
حروف شعرً تلتهب ضو مقباس =والا كما شهرة سهيل اليماني
أبيك تقرأ ماكتبته بقرطاس=ابيك تدري وش كثر كنت أعاني
أبيك تقرا بحس مرهف وحـسّـاس= في حس مرهف لا أحساسً اناني
لاني أحس انك وحيدً من الناس=وانت الوحيد اللي سكنت أبكياني
اقرا السطور وحلل الشعر بقياس=وأبيك تبحر مع خياله ثواني
تقرا مابين سطورها حرف حساس = لك أنت وحدك يامسبب جناني
كم لي تغاضيت وتسامحت لاباس=لاباس صارت كلمةٍ في لساني
هالحين خذها واضحه لك من الراس=وأبي لحل رموزها ترجماني
ياما زرعت احلام باتت بالافلاس=ياما سهرتك ليل طيفه نساني
واليوم أحس أن الفكر حيل منحاس = الحل واحد مالها حل ثاني
اما كذا ؟ والا كذا ؟ واطوي الياس= لا ماحتري بالدرب من لا أحتراني
طالت أمشيها والا أدري على ساس= ماكنك اللي ضمني وأحتواني
لانته معي واضح مثل باقي الناس=ولاانته مصارحني بسر المحاني
ذوقتني شهدك ومنيت بالكاس= الله وكيلك كل مابك دعاني
جيتك شجاعً ممتطي قب الافراس=كل مملكه شعري وصهوة حصاني
وأهـديتها لعيون نجلً ونعاس=ذيك الرموش اللي غـواها بلاني
أسهومها في وسط صدري كالامواس=سهم العيون اللي صوابه رماني
قالت أحبك ؟ قلت يادرة الماس=والله حبك من مكاني خذاني
هب الشمال وذعذع الشوق نسناس=وفاحت رياحين الغلا زعـفـراني
[/poem]
0
0
.[/align]
