---- يامواويل الغرااااااام ---- مصافحه أولى
أسعد الله أوقات الجميع بكل خيراً وبركه
نضع أمامكم هاذي البسيطه وامل أن تحوز على رضاكم واعجــابكم علماً بأن النقد
نتقبله بصـــــدرٍ رحـــــب--------------
[poem=font="Simplified Arabic,6,deeppink,normal,normal" bkcolor="transparent" bkimage="backgrounds/16.gif" border="double,4,black" type=2 line=0 align=center use=ex num="0,black"]
يامواويل الغرام وياصدى صوت الحناني=ويانسيم الليل داو الجرح والنفس العليله
طالت المده وانا آسامرك ياسهيل اليماني=ليله آشوفك وليله يحجّبك برق المخيله
واصتدمت بواقعي والشوق للعوده دعاني=وعودة المشتاق تنهكها المسافات الطويله
والمحبه والغلا والبعد وظروف الزماني=أرهقتني مير أنا مالي على المكتوب حيله
آتصدى والزمان الشين مازعزع كياني=واتحدى وآتصدى وأبرك الحملي واشيله
والفلك دوار والشدات للرجل أمتحاني=والأماني ماتحقق بين يوم وبين ليله
ماعلى الدنيا قرار ولاعلى الدنيا ضماني=قالها اللي جرّب الحلوه وذاق الحنظليله
علموا (تركي)تراني رحت فالرحله تراني=رحلة الأشواق سارت والله أعلم بالدليله
يابن مزيد ماشكيت الا لك عن قاصي وداني=حيث جرّبت الهوى قبلي وشارب من صميله
ماشتلني يالعصيمي غير جلاي الثماني=المنايا في عيونه والنعومه في جديله
عيطموسٍ وسـط قلبي جالها قدّر ومكاني=بنت شيخٍ له مكانه وأطّيب أشيوخ القبيله
آلاصـاله ورث جده والعبيه والحصاني=ينتمي للمجد (عفواً) مجدها اللي ينتميله
والحقيقه طيفها سيّطر عليه واحتواني=وأستشلت عنفوانة قوتي وأمسّت ذليله
والعلاقه بيننا مندوبها كوفي عناني=بس كوفي من فصيله والحبيّب من فصيله
عن وصـاله ماحداني خوف كل اللي حداني=سلّم (أبوي )وسلّم(جدي) والمعاليق الآصيله
والنهايه يازماني وش بقالي يازماني= مابقى غير أنتظر مردود كساب الجميله[/poem]
