المشاركة الأصلية كتبت بواسطة محمد السفري
ولد عمي والعزيز علي جدا عملها وتزوج على ...........
(( الله يكون في عونه هههههه))
راسلني على الجوال برساله فهمت مقصدها
فكانت هذه المتواضعة آمل أن تنال على اليسير من رضاكم
وتشفع لي في غيابي عنكم الفترة الماضية.......!!!!!!
محبكم
محمد السفري
[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خَط ٍ قريته دون حبـر ٍ وقرطـاس=عبر الرسايل مـن صحيـب ٍ نجلـه
الصاحب إللي قاسِيَ الراس والبـاس=كريـم سبـلا مجلسـه مـا نملـه
يا أبو نسب لا باس لا باس لا باس=ابشر ترانـي محـرمٍ قـول لِ(لَّـه)
( الزير لأجل كليب) هَبَّـل بجسـاس=وأنـا عشانـك بـاذل الجهـد كِلَـه
انت ابن عم وكل ما فيـك حسـاس=أُقدم ترى الموضوع مـا فيـه خِلَّـه
وإللي فعلته صار مع كل الأجنـاس=حسبي على مـن هَوَّلـه دون عِلـه
الله على الثنتين مع طيـب السـاس=إللي حريمه مـا شكـن منـه قِلَّـه
فيهن يراقب خالق الكـون والنـاس=رب السمـا رب النجـوم المِطْـلَـه
أبو نسب لا صككت قاسهـا قيـاس=يرضـي وليفـه دون دمـع ٍ يهلـه
أوصيك يا ابن العم في ضبط الأنفاس=لا تنفعـل مـن دق هـذا وجِـلَّـه
ترى قديمك غالـي ٍ مثـل الألمـاس=بدري على مـن كـان وده يِصِلَّـه
ترى قديمك ما مشى درب الأدنـاس=من لابة ٍ بيـت الشـرف تستحلـه
وأما جديدك فأغلب النـاس تنقـاس=بيته مكـان الجـود لا بـل محلـه
يا سعد منهو لمهـن دون وسـواس=عاش الهنا وثنتيهـن صـار خِلَّـه
لكن حـذرا اتميـل وتْمَيِـلَ الـراس=الظلم ما هو زيـن فـي كـل مِلَـه
اجعل هدي سيد المخاليـق نبـراس=إللي عدل ما بينهـن وأذعنـن لـه
وختامها خلك كمـا الحـر قرنـاس=إللـي بنـى فالنايفـه موطـن ٍلـه
دوك الكلام ودونه وسـط قرطـاس=دوك القصيد وحِـلْ مـا فيـه حِلَّـه [/poem]
