المشاركة الأصلية كتبت بواسطة محمد السُّلمي
[align=center]السلام عليكم ورحمة الله وبركاتة .
أول قصيدة أطرحها بينكم وأتمنى أن تنال إعجابكم .
في الحقيقة إنني في حيرة ماذا سأطرح لكم في أول حضور لي ؟
ولكن وقع الإختيار على هذه القصيدة التي هي بعنوان ( حبيب الروح)
فهذه كبداية لي معكم , وأول مصافحة لكم .
ياحبيب الروح عيني ماتملك
.................... بس لو تترك شوي من التغلي
والله إن القلب دايم هو محلك
..................... بس عندك ماعرفت أنا محلي
الجواب اللي كتبتة لك وصلك
................... وأنت لو تكتب جوابك ماوصلي
مادرينا وش بهالدنيا حصلك
.................... وأنت ماتدري بعدّكم وش حصلي
والله إني مانويت إني أذلك
.................... وماهقيت إنك لمحبوبك تذلي
ياحبيبي لاتزّعل منك خلك
................. وأنت لو تزعل علي أقول خلي
صدّق إني في الظلام اشوف ظلك
................. وأنت في عز الضحى ماشفت ظلي
واعذاب القلب من هجرك وغلّك
................ كيف شال القلب للمحبوب غلي
والنهاية ننتظر فالأمر حلّك
................. ننتظر وإن جيت قمنا لك نهلي
محمد السُّلمي ( شمنصير) .
نشرت سابقاً في صحيفة عكاظ , وصحيفة المدينة , وفي مجلة اقرأ .[/align]
