مرزوق منهو صار عنده ملايين .... وحنا مرازيق الفعال العجيبه
بسم الله الرحمن الرحيم .
السلام عليكم ورحمة الله وبركاته .
أسعد الله أوقاتكم بكل خير .
اعتذر عن الانقطاع الطويل عنكم وعن المنتدى .... وبإذن الله يستمر التواصل ...
في عيد الفطر المبارك .. كان للعائلة اجتماع كبير .... وكان لهذه القصيده حضور ...
اترككم مع ( شمس التواصل ) ...
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بإسم الذي انزل تبارك وياســـين = فيه ابتدي شعري وفيه انتهي به
سبحانه الرحمن سنّ القوانيــــــن = حذرنا من هجر القلوب القريبــــــه
يازينها لاصـــــــــرت مابين غالــيـن = كنك ملكت الكون ، عـــزه وهــــيبه
صلة رحم ، اوصابها ناصر الديـــــــن = ومن لا وصل رحمه جته ألف خيبه
حنا بلــيّا أرحامــــنا ، قرة العــــــين = نشـــبه ذبول الورد ، لامات طيبـه
( مرزوق ) منهو صار عنده ملايين = وحنا مرازيق الفعال العجيــــــبه
يابختنا صرنا على العسْر واللـــين = ولو هو يعاب الوصل ، يازين عيبه
جينا وقلنا بصوت : تخسى الشياطين = تخـــــسى تفرّق هالقلوب الحبيبه
لافـــــرق الله شمـــــلنا يالعزيزين = ولابعّد الله كل خـــــــــطوه قريبه
شمــــــس التواصل طالبك لا تغيبين = وقتي بدون عيال عمي شـ ابي به
ياشمس ابصرخ وارفع الصوت تكفين = طاري البعاد ان جاء ، جتني مصيبه
وان كان غبتي وابتدت رحلة البين = عز الله الــلي زار قلبي طبيــبه
وش للمحب ياناس غير المحبين = شروا الذي فيه القصيد يحكي به
وختامها ياناس مسك ورياحين = صلوا على المختار به نقتدي به[/poem]
وسلامتكم ...
صالـح المرزوق
