لاضاق صدرك وزاد الضيـق واحراجـه
[poem=font="Simplified Arabic,6,black,bold,italic" bkcolor="transparent" bkimage="backgrounds/5.gif" border="double,8,black" type=1 line=0 align=center use=ex num="0,black"]
لاضاق صدرك وزاد الضيـق واحراجـه=سـج القـدم والفيـاف الخاليـه دجهـا
ابعد عن الضيق واقطع مصدر ازعاجـه=وكم ناس ماماتت قبـل تقضـي حوايجهـا
وعلى قضى حاجتـك رب البشـر ناجـه=الله هـو اللـي ليـا ضاقـت يفرجـهـا
وان شفت امورك ماهي عدله ومنعاجـه=ساير امورك علـى الراحـه وعالجهـا
والرجـل يعـرف بامدخالـه ومخراجـه=ولاتقبل النفـس غيـر اللـي يخارجهـا
والنـاس لنـاس عنـد القـل والحاجـه=كم ناس ناس(ن)من الازمـات تخرجهـا
وخاو الذي كالبحـر بالطيـب وامواجـه=وتـرك ضعـوف الرجـال ولا تهرجهـا
رجل(ن)ليا جيت يمـه طلق(ن)احجاجـه=ماهـو مـن اللـي سواليفـه يعوجهـا
واللـي مخالفـك فـي رايـه ومنهاجـه=قربك منـه يتعبـك وانفـس يزعجهـا
وبعدك عنه يبعـد الهاجـوس وعلاجـه=لاتجبر النفـس فـي قربـه وتحرجهـا
لوا تسكن ارض(ن)دهور ولا احد(ن)داجه=ارض(ن)خليـن تبيـح سـد دايجـهـا
ولوماوصل برها الجوال وابراجه=اخير من عشرت(ن)قشرا نتايجها
[/poem]
