ابي ووصفه طبيه ، شعبيه ، شخصيه ، اللي تجي ،، اللي يعرف يقول لي
ابي ووصفه طبيه ، شعبيه ، شخصيه ، اللي تجي ،، اللي يعرف يقول لي
السلام عليكم
اول احب انذر الاخوه الزائرين هناء دق اللطمه والاخوات دق اللثام وتسكير الانف من شان ماتنتقل العدوى لكم
لا تخافون الدعوى بسيطه ماغير زكام وماادراك مازكام وضربات بدر قصدي برد
انا ابي اقول لكم معاناتي مع بداية كل فصل من فصول السنه أي تغير الله لايوريكم تعالوا شوفوا حالتي== العيون محمره بتشديد الراء (تنبيه فقط )والدموع اربع اربع:11ying: والوجه احمرررررر
والمشكله جونا هناء شي عاد في الرياض يمر علينا في اليوم الواحد كل الاربعة فصول
لحضه ابي اعطس وارجع لكم (اعطش بالعاميه )
عطشووووووووووه عطشووووووووووووووه ====== الحمد لله
يهدينا ويهديكم الله ويصلح بالكم ،،،
ابي اشرح لكم حالتي ::::::::::::::
انا جدار المناعه عندي الضاهر ولا شي لدرجة لو عطس واحد على بعد كيلوا على طول اروح في خبر الزكمه يعني استلم منه العطااااااااااس
امس بالعمل عطس واحد من الزملاء وهو في القسم المقابل وعلى طول حين سمعته وانا تبداء معاناتي
لدرجة اني طلعت على طول للبيت والعطسات اللي عطستها مع الطريق الى ان وصلت البيت عديتها لين تجاوزت 85 عطسه واخر عطسه ضرب راسي في الدركسوووووووون (مقود السياره )
الترجمه خاصه بالاخوان اللي مايعرفون الدركسووووووووون
لا وازيدكم من الشعر بيت وانا ماشي مع الدائري وطبعاً العطاس مستمر ماانتبهت الا وجنبي شباب يضحكون ويصفقون يشوفون راسي رايح وراجع من العطااااااااس ويحسبون اني منفعل مع اغنيه
وعلى وصولي للبيت قابلت اخوي ابو عادل طبعاً اخوي العووووووووود
ويوم شاف حالتي قال لك عندي وصفه محترمه (طلقة عقاااااال) وشرط ساعه ولاانت مابك الا العااااااااااافيه
قلت بيض الله وجهك يالقرم وش هالوصفه لاعدمتك حتى ياصل عمرك 90 سنه ثمن بعدها مااعاد بك فايده
قال اسمع :
قلت سم :
قال : عليك بالصيدليه وجب منها الفقس الازرق القديم ووتعال واعلمك
وانط على طول للصيدليه ومن شدة الزكمه دخلت على راعي الصيدليه قلت عندك فكس وايجن
قال : ليه حنى معارض السيارات
قلت ماعليش يادكتور قصدي فقس اللي يستخدمونه للرشح
المهم اخذته وعلى طول لأبو عادل قلت هات وصفتك ياخوي
قال اتمرررررررررررخ ( أي تدهن للمعلوميه ) بالفقس ثمن خش في البطانيه ولا تتحرك الا بعد ساعه ونصف ثمن بعدها شف حالتك الصحيه
قلت ابشر ابي اجرب وان طلع كلامك صحيح ترى عشاك الليله علي
والله اتدهن بالفقس وبالبطانيه ثمن الله لايوريكم بغيت احترق من شدة الحراره وبعد ساعتين طلعت والى مكانك راوووووووح بالعكس احس انها زااااااااادت ولا استفدت من هالفقس ولا شي
والمثل يقول امسك راسك ويجيك عشرين طبيب
ولكن اللي عنده وصفه مجربه لا يبخل علينا بها
وعذرونا على الإطااااااااااااااله
واللي مو معجبه الموضوع عساااااااااه تصيبه الزكمه الليله
هههههههههههههههههه
امززززززززح
ماترون بأس كلكم
