مـن لـبـس ثــوب الـطـهــاره مـاتــشــّوه ؟ ولا يــذل الـحـــر غـيـر مـنـهــو ذلــيــل
[align=center][poem=font="Simplified Arabic,6,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ودي أكتب عن مفاهيم الاخوه = وعن خصال السامي الشهم النبيل
رايته بيضاء تساما من سموه = رمز عز وحامل الرأيه اصيل
المبأدي صدق والاحساس قوه = والليالي بين عدل وبين ميل
راعي الطولات .. معروف المروه = ذاك مثله بالعرب والله قليل
القوافي وان تسامت من علوه = عندها على تساميها دليل
بالاشاره يفتهم لو ماتنوه = ويجمل المضمون بالقاف الجزيل
من لبس ثوب الطهاره ماتشوه = ولا يذل الحر غير منهو ذليل
ماتشوفه ياخوي الخير سوه = وان قبلت اعــذارنا عمرك طويل
وان تذكرت المواقف والاخوه = بيض الله بالوفا راع الجميل
.
.
[/poem]
.
.
[poem=font="Simplified Arabic,6,white,bold,normal" bkcolor="transparent" bkimage="http://alhadya.net/images/back22.gif" border="none,4,gray" type=2 line=0 align=center use=ex num="0,black"]
أطلقت لافكاري لجام الاعنه = حتى تبلور من نسمها قصيده
قررت أقـــّــطــع قيد الافكار لنه = تزهد ليا حبْسِت نفوسً زهيده
دام الجمال أغطاه والشعر فنه = أمنتك الله يالافكار العنيده
طيف الخيال بغيهن وهقنه = في ظرف نظره الف فكره جديده
روحً تبوح السر .. روحً تكنه = من كنته للبوح صارت تسيده
أما فهمت اللي ذكرت ونسنه = والا أكرر ماتقول وتعيده
لقيت عذرك للمواعيد كنه = يقول ماكانت وعوده أكيده
خيول فكري قيدهن حطمنه = وبين الامل واليأس حطمت قيده
خانن رموشً دمعهن وقفنه = ياصعب والله دمع خطو الوليده
رجيتهن مايرسلن وأرسلنه = حتى غرق خدي بنار الوقيده
حسبي عليهن بالعهد خوننه = وخانتني الدمعه وصارت أكيده
لمحتها من فوق رمشً بلنه = نظرات عبدً خان في عهد سيده
عزيت خفاقً همومه حدنه = شح الامل وخان العضيد بعضيده
عزاه من جور الليالي أبعــّدنه = يلين لو قلبه سوات الحديده
أطلقت زرقن وبلهن سيلنه = مكتوب لي لو كان ماكنت أريده
لاصار ماهدومك جسدك أسترنه = من عاد ترجي هم قلبك يفيده
آهات صدري والجروح الاسنه = تزارقن صدري بغصت وريده
مثل الجميل اللي تقفاه مــّـنه = حت الورق والريح صاح بجــّريده
وكلن على الثاني حسامه يسنه = ملعون راعي التفرقه والمكيده
الاسئله وحلولهن دوّرنه = وضاع الجواب بظل جمله مفيده
[/poem]
0
0
0[/align]
