يلعب غراب البين بيني وبينها ....!!!
السلام عليكم
و اسعد الله جميع اوقاتكم بكل خير
مشاركه اتمنى قبولها بعد هذا الانقطاع الخارج عن الاراده
كيبورديه متواضعه
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من لامني في الحب مانيب لايمه=حيث ان قلبه مانتشى من نسايمه
ماذاق من حلو المحبّه ومرّها=مشاعره عن لذة الحب صايمه
واللي يعرف الحب مثلي وجرّبه=ماهوب لا يمني ولا نيب لايمه
وانا صويب اللي جرحني غرامها=من حبها اسهر و المخاليق نايمه
تبحر بي الافكار في بحر غيّها=لين ان نور الصبح تبدي علايمه
مدعوجة الاعيان ملهوفة الحشا=ريمية ً من مرتع الصيد قايمه
حذره من التفاق محدن يصيدها=ترعى الزهر في اطراف نجد وخرايمه
ارخصت روحي من غلاها لروحها=والقلب بعته بأول السوم سايمه
يلعب غراب البين بيني وبينها=زود على قلب المعنى هظايمه
وانا عن الزلات رجلي قصرتها=الرجل عن ماتكره النفس شايمه
لو ان شوقي كل ساعه يسوقني=سوق العقيد اللي تقفى غنايمه
لكنّ نفسي عن هواها ردعتها=خوف ٍ من النمام ينقل نمايمه
اخاف لا يجرح كلامه شعورها=اللي على العشاق مكثر ظلايمه
خبل ٍ بدون احساس ماهزّه الهوى =مشاعره عن لذة الحب صايمه[/poem]
