>> مصافحه اولى : جديد --(( اخذت بالدنيـــا مراحـــل وسجات ))--
[poem=font="Simplified Arabic,4,white,bold,normal" bkcolor="transparent" bkimage="backgrounds/10.gif" border="ridge,8,gray" type=0 line=0 align=center use=ex num="0,black"]
--(( اخذت بالدنيـــا مراحـــل وسجات ))--
هيهات يالدنيــــا ومافيـــك هيهات= اهات واحــــزان وجــــروح وغرابيل
اخذت بالدنيـــا مراحـــل وسجات= وماريحــــــونا شــــلة القــــــال والقيل
اهل النمايم والفــــــتن والوشايات= ياكــــثر ماقــالـــــو هــــروج وتهاويل
ياكثر ماراحـت وياكــــثر ماجات=وياكــــثر مــاقــــالــــت علـــينا اقاويل
وين الرجال اهل الوفــا والشكالات=اللــــي لهــــم بالطـيب صيت ومداهيل
اللي لهم في مــوقف الطيب وقفات=اللي على شــان الوفـــاء تتعــب الخيل
مســــاير الذربـــــان متــعه ولذات=اختار لك من خـــــيرة النــاس حلحيل
روحه مع روحك لياجاك صدمات=ياقف مواقيفـــك ومــــن حمــلك يشيل
اللي له بكل المـــــواقيف بصمات=انا اشـــهد انـــه ســـيد كــل الرجاجيل
وابعد عن الحاسد وعن كل شمات =اللي علــى موتــــك يغنــــــي مواويل
الموقف اللي زود الحزن غصات =اشـــكي منــــه ودمـوع عينـي هماليل
لا ما ذكرت الموقف اجـــر ونات =افـــــز مع طــــــاريه واساهر اسهيل
ابكي على الايـــام واهـــل عبرات=والله يبــــدل حـــــالة الحـــــزن تبديل
الحزن يالاجـــواد ســوابي اسوات=هــــذي حقيقــــة واقعــــي دون تمثيل
مانـي بــــلاحي ولا قــــيل لي مات=اصـــبر علــــى صكـــــاتها والبهاذيل
الحـــزن بيّن فـــي حــياتي علامات=واصبح ســمات الوقت من غير تحليل
اللي بقى مــن العمر يروح حسرات=من زود جور الــوقت والهــــم والميل
انا تبينــــي كـــل الاحــــزان بالذات=تقصدني الاحـــزان تقبــــل كما السيل
علامـــة بالخـــــد نقطـــــه وشامات=وعلامـــة في القلــــب تدمـــيه بالحيل
قضيت عمـــري بين حــزن وتنهات=خسارة الايــــام من غــــــير تحصيل
مابين صيحــات ومـــــا بين اهاااات=حتى اســـتوى عندي نهاري مع الليل
جرحي عميق وداخل الصدر كدمات=ياقلبي اصبر عل فـــــي الوقت تعديل
اتابع الاهاااات واصــــــيح صيحـات=وانا صـــــبرت وطـــافح عندي الكيل
الصـــبر له حد وانا احــــتاج فزعات=وضاع الامـــل مابيــــن جحاد وبخيل
ناس عــــرفنــــاها تحـــب الاشاعات=وتعـــدل بالاخبــــار وتضــيف تسجيل
ناس تولــف بالقصص والحكــــايات=واكـــبر مصـــيبه جاتنــــا بكذبة ابريل
وقامـــت لكذبتها تســــــوي دعايات=لعلـــــها تبــقـــى لجــيـــل بثـــــر جيل
يــامجتمعـــنـــا والله انــهــا دخيلات=ماهــــي بمـــنا جعـــلها الموت والويل
ياســـامعي لاتضيع بيـن المتاهات=مــن صـدق الجهـــــال ملقوف وخبيل
انــا يكفيني من العمـــــر ساعات=اعيشها وافــــرح مع اهـــل المواصيل
كم عشت بالدنيا صعاب ومشقات=وخلتنــــي الايــــام مطـــــــواع وحليل
نصيحتي لاتضيع الوقـــت نزهات=الوقت غالـــــي والعمــــر عندك دخيل
الله يبدل حـــــزن الايام بمسمات=دام الامـــل نــــزرع بســــاتين ونخيل
وختامها صلو كثير الصـــلاوات=علــــى نبـــي عـــــلــــم الحـــق والفيل
[/poem]
[align=center]وسلامتكم
ابو خااااااااااالد[/align]
