(( شوفك يا هوى البااااااال عيدي )) ...... قصيدة بمناسبة العيد
السلام عليكم ورحمة الله وبركاته...
أخواني أعضاء منتديات غرابيل .... تحية طيبة
كل عام وأنتم بخير .... ومن العايدين
يظل العيد منبع للسرور والفرحة ... وتكتمل الأفراح برؤية الأحباب ... ويا لها من فرحة ...
قصيدة جديدة أهديكم أياها بمناسبة العيد وشوفة الحبايب .... كلي أمل أن تحوز على إعجابكم ...
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
العيد حلّ وجيت ضمن المهنين =مبروك جعل العيد عندك سعيدي
ما اقول شوفك يجعل العيد عيدين = أقول شوفك يا هوى البال عيدي
مدام زينك ما تخالف به اثنين = ما لومني لا قلت (( أمرك يا سيدي ))
قمت انتفض لا شفت في الحب بيتين = شاعر وصف حبه ,, وانا احسبه ميدي !!
صدقني إنك ساكنٍ في الشرايين = وقيدتني لرضاك واحكمت قيدي
قدامك اطلع وش حليلي ومسكين = والناس قالوا عن خفوقي حديدي !!
والشعر الأول قد سمعته من سنين = تعال واسمع كان تبغى جديدي
أنت القصايد أول العام والحين = وإلا بدونك وش يساوي قصيدي !!
وانت الذي ابدعت فيه الدواوين = وغيرك قسم بالله ما هوب صيدي
مهوب ذنبك يعشقونك ملايين = ومهوب ذنبي يوم تسكن وريدي
جيتك وانا ولهان من بعد شهرين=مبروك جعل العيد عندك سعيدي
عيّدت انا من بعد صوم الثلاثين = ومن بعد شوفك كل الأيام عيدي
[/poet]
شعر : سهم المنايا
تحياتي للجميع ... وعساكم من عوّاده
