( مواقف رمضانيه طريفه ) الحلقه 14 وضيفتنا بغداد الأمجاد ,,,,,
كيفكم ياحلوووووين ؟؟؟
ضيفتنا اليوم تميزت بخفة دمها وتواجدها الجميل بالمنتدى وهي الأخت
بغداد الأمجاد
نترككم مع الموقف ترويه لكم بقلمها واسلوبها الممتع
ـــــــــــــــــــــــــ ـــــــــــــــ
طبعا جت الأجازة
وانتهت المدرسة وآن لي أن أرجع إلى الأهل...
واتفقت أنا وأخوي نسافرالساعة 5 صباحا للأهل ونمر على أختنا الكبيرة ناخذها معنا على الطريق واتصل اخوي على اختي وقالت له يالله أنا فطرت جهزت للسفر فطاير
وقهوة حلى وورق عنب والازي منه وأرسلت زوجي شرى فطاير وورق عنب وشوكلاته
طبعا اخوي حقد عليها وقال الخبلة هذي أفطرت قبل ماامر عليها قلت عادي الطريق طويل حيل يعني 13 ساعة من الشمال الى مكة والله اجاز الأفطار في هذي الظروف
قال اخوي لا انا بصوم
المهم وصلنا لأختي واخذناها هي وعفشها واطفالها وبس بدينا نمسك الخط وعلى شريط الصحراء واخذ القهوة واصب القهوة ياولد
ونطلع الحلى انواع وأشكال واخوي الثاني الي معانافرحان أنه فاطر صبي القهوة يابنت
وأنا نزلت من المقعدة عشان اقدر اكشف وآكل برواقه المهم ومخليه ولد أختي طاولة يمسك لي صحن الحلى وثلاجة القهوة معه
وهو ياخالة شيلي قلت بس ولاكلمة أمسك ولا احرقك بالقهوة واختي بنت لاتذلين ولدي
المهم حليت وشبعت من الحلى واخوي الي يسوق صايم وحاقد علينا لأن السيارة له وأحنا نأكل ونرمي ونضحك والي جنبه صبي القهوة
اعطوني فطاير وأحنا منهمكين بالأكل
وبالأخير اخوي رمى علي بسكوت وانكبت القهوة علي وقمت اهاوش يالي فيك مايخطيك أعطوني مويه العباية كلها قهوة اتحرقت
قال اخوي الصايم بس انتي وياها بس النقطة تغطوا عساكم العمى يافاطرين جهزوا كرت العايله
<<<<<عاد أنا بيني وبين نقاط التفتيش مواقف دايما يصيدوني مع أخوي ويحققون معاناوأنا طبعا مامعي غير صورة من كرت العايله والأصل عند أهلي
فيضطرون يحجزونا ويجيبوا لنا الهيئة لكن أخوي يضطر يطلع بطاقة العمل وبعد كذا يفكونا بدون هيئة وخلافه
أكثر من مرة يتكرر معي الموقف وكأن أمن الدول ماشغله الشاغل غيري تاركين الأرهابين ووراي أنا المسكينة
نرجع للموضوع
المهم عدينا النقطة بأمان الله وماطلبوا كرت العايله كالعادة وعدينا
المهم رجعنا نأكل ونضحك عاد بعد ماخلصت أنا الأكل رحت على أختي ضربة مني على ضربة منها وصارت مصارعة بالسيارة
وأخوي(الصايم ) قام اخذ بخور وولعه بالولاعة حقت السيارة والله انحشرنا حشرة كح كح كح كح أنا واختي وبزارينها المسكين الي
عصرتهم وهم يصيحون وهم يمه شوفي خالتي وأنا أضحك
قلت لأخوي ترى البخور يفطر قال تكفين يالصايمه قلت أنا فاطرة صح بس انت صايم
ياحرام متحملنا وحاقد علينا لأنا فاطرين وأنا أقول أفطر ياشيخ
قلت لأختي بنت بعد شيء عندك ولا قفلتي السوبر ماركت قالت بعد فيه
قلت هات ورق عنب أخذته أكلته كله طبعا وولدها الطاولة تبعي
خلصت وسرحت على ولدها شفت سنته مسوسه عاد أنا أعرف أخلع الأسنان أخذت فاين ومسكته بيدي وأستغفلته وأمسكه وهو يصيح بطريقة تحزن
واناأشد وأختي مقهورة مني فكي ولدي وأنا إذن من طين وإذن من عجين وفكيته وللأسف ماخلعت سنته
تخيلوا سنته مسوسه ومفروقة من النص مسوية طريق تهوية وأنا مقهورة من هالسنة
المهم قربنا من مكة وعند النقطة يوزعون فطور قلت لأخوي افتح الشباك خلينا نأخذ فطور ترآنا صايمين وأخوي يعدي من عندهم حاقد علينا
قام أخوي الثاني(الفاطر)الي مشاركنا فطرتنا
فتح الشباك وأخذ فطور وقال يالله يابنات خذوا تمر افطروا على التمرة سنة عن النبي صلى الله عليه وسلم
واخوي الصايم مقهور منا حيل وأحنا فاطسين ضحك عليه
متحملنا وصايم المسكين وفوق كل هذا ساكت ويحشي بقلبه
سبحان الله ماطلع لي
وهذا هو الموقف الطريف الي قبل يومين
====================================
نشكر لضيفتنا حضورها ومشاركتها
ويعطيكم العافيه
