[grade="00008B FF6347 008000 4B0082"]هي المشاركة الأولى لي في منتداكم ارجو ان تحوز على رظاكم واستحسانكم[/grade]
[poem=font="Simplified Arabic,4,black,bold,normal" bkcolor="transparent" bkimage="backgrounds/33.gif" border="none,6,orange" type=1 line=0 align=center use=sp num="0,black"]
رتّبْت خافي ذكرياتي حسب ترتيب الوجاع =ذكرى تلي ذكرى تلي ذكرى تليها مَدْمَعه
رتّـبْـتـها جـمـعــتها لـمّـيـتـها من الضياع=من بعد ماكانت هناك مبـعـثرة ومْوَزّعه
موزعه بين الدفاتر والخـزايـن والرقـاع=مبعثرة بيني ومابين الـلــيـال الـمفجــعه
(وانا على هذا) لقيت اوراق من جيته وباع= لقيت له بعض الصور بين الورق متربعه
واخذت اناظرها وابعثرها بقدر المستطاع=احاول اتجاهل بقاياها وهي متجمعه
احاول انساها واهمِّلها وعقلي مايطاع=ما طاعني عقلي وهذيك الصور مستودعه
جاني ردي الحظ ياشينه وياشين الطباع=وان طاعك الحظ الردي ياصاحبي والا طعه
في جَيِّتَه رديت اجمعها والملمها تباع= تتبعني اوراقه وهذيك الصور وانا اتبعه
نسيت باقي ذكرياتي كل ترتيبي خداع= نسيت في ذكراه (ترتيبي) وقمت استرجعه
من اللقا والموعد الاول الى وقت الوداع=(والشعر يكتبني هنا) وانا وتفكيري مـعـه
المشكلة ماعاد لي في واقعه مقدار صاع= ولاعاد له في واقعي عندي ولاقد اصبعه
ولاعاد لي في مهجة الدنيا مكان ولامتاع= ماعاد لي فيها سوى ذكرى تجيب المعمعه
يانعمة النسيان وينك فاقدك يشكي الصراع= تكفين نسيني خفايا الذكريات الموجعه
ذكرى توردني دروب مايوردها شجاع=ذكرى شهيتها وغايتها فؤادي تنزعه
ذكرى دموعي من طواريها على وجهي قناع= ذكرى على عقلي تحوم وفي هدفها تصرعه
يانعمة النسيان وينك فاقدك يشكي الصراع= تكفين زوريني ونسيني الهموم الموجعه[/poem]
[grade="00008B FF6347 008000 4B0082"] تحياتي للجميع[/grade]
