النجلاء وجولتها الشرفيه ..... الجزء الاخير
ازيكو ؟؟
عاملين ايه ؟؟
في الجزء الاول استعرضنا بعض الاقسام وهذا الرابط
http://www.sfsaleh.com/vb/showthread.php?t=79727
اليوم نكمل مسيرة الأقسام بالمنتدى والعتب مرفوع والدين ممنوع والاجر على الله <<< متوقعه حش على أعلى مستوى
المنتدى الرياضي
هالمنتدى ماشاء الله حركه مستمره بس مفروض يوقفون واحد سيكيوريتي على المدخل يسأل اي احد يخش انت هلالي او نصراوي يعني لازم يحدد او بيروح فيها المواضيع عناوينها شي يفرح ومتنوعه وشامله فتحت كم موضوع ولقيت البدايه تنطبق على العنوان لكن من ثالث رد يتحول الموضوع الى سامي احسن من ماجد او ماجد احسن من سامي هههههههههههههههههههههه مثلا موضوع عن مباراه بين فريقين من اوروبا وفي آخر الموضوع تلقى مثلا هالعباره ( وقد صرح مدرب الفريق الفلاني في نهاية المباره ان فريقه استحق الفوز وان ماجد عبدالله احسن من سامي بمراحل ) هههههههه طبعا ماراح يسكتون الهلاليين يروحون يردون ورد ورا رد وراح الموضوع الاساسي بعينها يعني اكثر العناوين للتمويه على الاداره عن الهوشه اللي جوا الموضوع عن ماجد وسامي ونفس الكلام يتكرر في اغلب المواضيع بصرررراحه وبدون زعل خساره هالجهد الضايع على الهلال والنصر بس ومن زينهم عاد <<<< هالبنت راحت فيها مافيها كلام ههههههههههههههههههه
التعليميه
هذا المنتدى اول مادخلته ماشاء الله كني داخله لمكتبة جرير ( هذي مو دعايه ترى ولا اعرف عايلة العقيل ابد ههههههه ) او كني داخله مجمع دراسي لمختلف المراحل طبعا اول مادخلت حبيت اريح شوي وجلست الا جتني العريفه حقتهم سوووري قصدي المراقبه ريم وقالت وش عندك هنا ؟؟ قلت انا مستجده بالمنتدى و و و قطعت هرجي وقالت الا مستدجه ومنحاشه من احد الاقسام قووومي هاك الملفات هذي والمطويات وروحي حمليها بسووووورعاه قلت لها اي قسم هذي قالت كل ملف مكتوب عليه القسم حقه ,,,, واطالع الا روضه وتمهيدي وعربجي متوسط هههههههههه قصدي عربي متوسط ولفيت على الاقسام اللي زي بيت جحا متاهه من جد واتحدى واحد يرد بموضوع هناك ويلقاه مره ثانيه الا اذا حفظه بالمفضله المهم لفيت لفيت وماعرفت اطلع ابد نطيت من السور ولقيت المنتديات التجاريه ههههههههههههههههههه بغيت اخش قلت وبطلت ,,, قلت الحين انا مارديت على المنتديات ام بلاش ارد على ام قروش ههههههههههههههههههههههههه ههه وتخوف شكلها باللون الأحمر المهم اني انحشت ومعاي ملفات ريم الى الحين
الأسهم
دخلت الاسهم قصدي منتدى الاسهم واول ماصادفت حوش كبير شوي منظم ومرتب ودخلته وماشاء الله لقيت فيه قطيع من الماشيه اكثره خرفان حلوين مرررره وعليهم بويه حمرا وفيه بنيات صغنتوتات يلعبون معاهم ومسكت وحده منهن ونشدتها تعالي ياقمر وش اسمك قالت عبير طيب هالخرفان من هي له قالت هذي حقة ابله بغداد الامجاد مطلعتنا نتفسح معاهم بالحوش طيب وابلتك وينها ولاكملت كلامي الا بغداد فوق راسي لابسه لبس شيك مرره ورابطه راسها بربطه حلوووه مكتوب عليها لا للبيع : نعممممم وش عندك هنا قلت سلامتك جايه اتمشى وعجبني شكل الخرفان وجلست اتفرج ماشاء الله بكم شاريتها قالت ارجوك لاتذكريني انا من يوم اتذكرها ودي البس حزام ناسف وافجر المنتدى كله ههههههههههه طيب ليش قالت انا توهقت فيها ياوخيتي واللي وهقني امل عبدالعزيز وتوصياتها ومن يوم شريتها وهي ناشبه بحلقي واجي انشد امل هااه ابيعها تقول لا لا لاتبيعين وتمسكي بكراعينها بيجيك خير كثير منها والسوق كل ماله يطيح وانا اطيح معاه ويوم شفتها طولت السالفه سويت لها شبك بالمدرسه عندي وصرت اطلعهم بالفسحه يلعبون مع بنيات صف اول وحسبي الله على اللي كان السبب قلت لها طيب ومنتدى الاسهم وشلونه قالت زيييين بس انتبهي من توصيات امل اياني واياك تسمعين كلامها ههههههههههه قلت اجل مع السلامه يابغدادزاد ولانبي اسهم ولاهم يحزنون وطلعت وهي تجمع مواشيها ترجعهم للشبك انتهت الفسحه
التصوير الفوتوغرافي
وعشان خاطر الدندووونه مريت على منتدى التشهير الفوتوغرافي سووووري قصدي التصوير الفوتوغرافي وفتحت كم موضوع شدتني عناوينها وزين اللي سويت كذا قبل ارد عليهم هههههههههههههههه انواع التشهير هناك مافيه واحد الا لاعبين بحسبة خشته ومنزلين صورتها وهذا الدليل من موضوع اخونا سليمان شوف الرابط هون :
http://www.sfsaleh.com/vb/showthread.php?t=79225
طيب اذا القائد العام والمشرفه العامه تشوهوا بهالشكل بالله انا وش بيسووون فيني هههههههههههههه اكيد صورة شمبانزي وتخب علي بعد وبعدها هربت قبل ينقشوني بصوره من اياهم ,,,, وعرفت ليش الدندونه وصتني على التصوير وماهقيتها منها :11bomb:
كتاب وشعراء المستقبل
احلى مافي هالقسم انهم شايلين نفسهم بنفسهم ههههههههههههه هم يردون على بعض وبكل هدوء ومحد يمهم ابد فين وفين اذا نطل احد عليهم كلمه او رد على مواضيعهم الا خالد مرات اشوفه يدبك معاهم هههههههههههههه ياحبي لهم شكلي بروح انا وفشفاشه نبسط معاهم بقصايدنا وخواطرنا الجديده ونسوي حركه في القسم
المطبخ الفاخر
في المنتدى الفاخر ربي يوفقهن حبيباتي البنات هناك بسطت معاهم وكل طبخه احلى من اختها وامتحنت الشغاله عندنا كل شوي ناسخه لها موضوع من المطبخ عشان تسويه بس ابتلشت انا بعد لازم اكون معها واقرا لها كل حرف ههههههههههههههههههه يعني لو انا مسويتها اريح بكثير ,,,, واللي لفت انتباهي هناك ان الشباب متقاطين مع البنات في قسم المطبخ ومواضيعهم اكثر من البنات ههههههههههههههههه ياحليلهم هذا رمضان ومايسوي :11ap:
اسلوب الردود
بعد كذا قلت ابحاول اقلد اللي يردون واتبع طريقتهم وبديت مع المشرفه العامه امل قعدت اراقب طريقتها في الرد وجت يوم وردت بالاسلامي ورحت معها للاسلامي وما امداني اوصل الا وهي ترد بالخواطر وطيران على الخواطر وراها ولقيتها بالاسهم ههههههه شفت الشغله ماتخارج وقفت وفصحت نعولي كرمتم وربطتها وعلقتها برقبتي ونسفت العبايه على الكتف وبيدي موية صحه ووراها رررررركض مشورتني في المنتدى كله مايمديني اخش وراها لمنتدى الا وهي وررررررررررررر ماغطه منه لمنتدى ثاني اسلامي خواطر شعر قضايا عام مطبخ غربله من جد ماقدرت اجاريها ابد هههههههههههههه وربي دخت في الاخير وقفت بالصفحه الرئيسيه واتابع من بعيد بس واضحك ,,,, قلت اشوف غيرها تابعت فشفاشه ونفس موال امل ماخلت منتدى مالفت عليه ولاخلت لعبه في الالعاب مامرت عليها ولا مكياج ولاغرف نوم مازارتها ولامباركه ماباركت فيها ههههههههه راعية واجب هالبنت ,,, وبعدها الدندووونه وخالد وهذولي اللي ناسبتني طريقتهم بجد يخشون المنتدى ويردون خمسه سته ردوود وبعدها لمنتدى ثاني بالترتيب لين يغطون الاقسام كلها
من الجوله هذي تعلمت الكثير الكثير ,,,,,,,,,,
امل تعلمت منها النشاط وعدم الملل وان لكل مقام مقال ولكل منتدى لباسه الخاص وماتخلط بينهم ابد
اهداب تعلمت منها الركاده والاتزان والصبر وطول النفس في الردود وحجتها القويه في النقاش ماشاء الله
فش فاشه من انشط بنات المنتدى واكثرهن تنوع في مواضيعها وشهادتي فيها مجروحه
بيبرس عضو روووعه بجد اقرا ردوده واقول ماشاء الله واللي شد انتباهي له حبه لترتيب الرد وللمدات في الكلمات ,, بيبرس لو كتب حرف واحد حط له مدتين ياصبره على الشفت صبراه هههههههههه
نور الايمان تعلت منها الردود الهادئه جداً ومتابعتها لمواضيعها
خالد تعلمت منه نشاطه الواضح بقوه في المنتدى ماشاء الله عليه
جواهر عبدالله تعلمت منها التنظيم اللي نادراً ماتلقاه بموضوع لغير جواهر ,,,,, مواضيعها من اجمل مواضيع المنتدى
دفا المشاعر تعلمت منها الرقه والنعومه في مواضيعها وهي قريبه من جواهر لكن اكثر رومانسيه في طريقتها مع المواضيع
سعود تعلمت منه الغلطات الاملائيه اللي تجيب العيد ههههههههههههههههههههه
ريم مجهودها واضح ربي يحفظها في التعليمي <<<< ريم ترى ملفاتك الى الحين معاي هههههههههههههههههههه
وكل يوم بتعلم شيء جديد من الجميع اكيد
دعواتكم اقدر اطبق اللي تعلمته منهم
مايستفاد من الموضوع
1 لاتخش موضوع وماترد عليه حتى لو بكلمتين اذا مافيك حيل تكتب كثير وتذكر تعب العضو في كتابته وانتظاره لكلمه من اللي يقرا موضوعه
2 لاتقلدني ابد وتنحاش من كل منتدى ههههههههههههههههههههههههه هههههه بالعكس انا قدوه سيئه للغايه <<< فرصتكم تحشوووون
3 الموضوع كله لادخال البسمه لقلوبكم
تحياتي واحترامي لكل شخص ورد اسمه هنا واعتذاري مقدماً عن اي خطا
اختكم /// النجلاء
