$$$$ الــــــــذايــــــدة $$$$
أخــواني وأخــواتي أعضـــاء منتدى غـــــــرابيل الرائعيييين ,, الســلام عليكــم ورحمة الله وبركـاته ,,
هــذه مشــاركــة بسيطــة أهــديهـا لكم ,, وهي عبـارة عن قصيــدة بعــنوان (( الــذايـدة )) ,, كتبتهـا دفاعـاً عن أفضـل الخلـق وأشـــرف البشـــر عليه أفضل الصـلاة وأزكى الســلام ,, ونصـرةً لـه ممن حـاولوا المسـاس بشخـــصه الشـــــريف . فعسى أن تنــــال إعجــــابكـــم .
[align=center](((( الــــــــذايـــــــدة ))))[/align]
[poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="none,4,gray" type=0 line=0 align=center use=ex num="0,black"]
بديت الذايـدة بسم الله الواحد عزيز الشان=عظيم العرش خالقنا جليل الملك سبحانه
عزيز ٍ خافض ٍ رافع عليم ٍ مبدئ الإنسان=سلام ٌ مؤمنٌ محيي مميت ٍ عالي ٍ شانه
بعد ذكره صلاة الله على صفـوة بني عدنان=وصلى الله على آله جميــع وكل من عــانه
ألا يالله ثبتنا على الإسلام مهما كان=على نهج الرسول أحمــد وعز الدين وأركانه
واعنا يامعين وقابل العصيان بالغفران=وسامح عبدك المخطي على جهله ونسيانه
إلهي من يغفـْــرْ ذنوبنا غير أنت يارحمن=إلى من يشتكي عبدك يلى من زاد عصيانه
طلبتك ياكريم المغفرة والعفو يامنـّـان=وتقبل تـوبة اللي تاب من ظلمه وطغيانه
وذكـرْهْ الشهـادة لاشخـص وإلتفت السيقان=وخاب الطب وأيقن عابدك بفراق خلانه
وأما بعــد .. يانقـوة هجوسي لي بكم غـرضان=ولا ابغي هاجس ٍ وقت الشدايد يكبي حصانه
ابيه اليا تعـزوى ترجف الوديان والضلعان=سـواة الليث لاكشـّــر وبانت روس نيبانه
وابيه اليا امتطى صهـوة جــواده يكعم الفرسان=ويلى منـّه دوى ماكنـّه الاّ فـرخ شيهانة
يكر ولايفـر ويضرب الشجعـان بالشجعان=كفو ومعـرّب ٍ مابين عمّـانه وجـدانه
ويلى من قابل كبار المناصب قلت ذا سلطان=جسارة قلب قـوّة ضلع حنكة عقل فنانة
كلامه يدخل قلوب العـوارف دون ما إستئذان=مع الحكمة سدادة راي والتوحيد عـنوانه
وانا لامن بغيت الشعـر ماتعصاني القيفان=ارتب عقـدها واصفّـهـا دانة على دانـة
شربت الشعـر من صغري ومـررته مع الشـريان=وسكنته بقلب ٍ فاهم ٍ معنـاه واوزانه
خـذيته من كرم ربي وميـراث ٍ من الجدان=وصخـّرته لدين الله ودحر بليس واعـوانه
هجوسي ياهجوسي هيضيني باعذب الألحان=وانا بنحت على وجه الصخور أبيات مليانه
هجوسي دافعي عن صفـوة الأمـة من الوجدان=ترانا مارجعنـا للقصيـد إلاّ على شانه
ابيها عبرة ٍ للي لعب في عقله الشيطان=يوقـّــف عند حــدّه لارحم جــدّه وشيطــانه
شبعنا ياعرب ذل وغبن وإستفحل الخذلان=شربنا المر والعلقم وذقنا الويل بالوانه
رضينا بالمهونة والقهر والضيم والحقران=وحنـّـا سادة العالم بدين الله وفرسانه
نعم سدنـا البسيطة كل أبوها وإسئلوا الأسبان=حضارتنا سبايب طفرة الطاغوت وأقرانه
ولكن طاح بيت العــز واللي باقي الجدران=ويلى شِـلعت طنوب البيت وش تنفعك عمــدانه
الا تكفون يانسل الصحابة ترثـة الشيخـــان=ترى الخنزير يبغي طلقة ٍ مابين حجـانــه
ماعاد إلا محمد ياخنازير الأمم ينهان=ماعاد إلا رسول الحق ياأهل بليس وأخـدانه
نبشتوا في الرمادة وإعتلى من فوقها الدخان=وجيناكم سواة السيل خيـّـالة وهجـّـانـــة
ترى حنـّـا عيال إبن الوليد ونسل إبن عفــان=وطلحة والمثنى والمغيـرة وإبن سعـدانة
وحمــزة والزبير وراعي البلقا وأبو سفيان=عليهم كلهم مني صلاة الله ورضوانه
خسيـتوا يارمــوز الفسق واهل الكفر والعصيان=خسيتوا يادعاة الإنفتاح وباب ميـدانه
تهينون الشـريف المصطفى بالزور والبهتان=رسول الصدق والرأفـة وفي التاريخ برهانه
يبي كل البشر تظفـر بجنات ٍ ذوات أفنان=ويطلب بالهـداية للبشر من كل وجدانه
رؤوفٌ باليتيم وبالفقير ويكرم الضيفان=ويوفي بالعهد والشاهد الله مابعد خانه
يحب المحسنين ويكـره اللعـّان والطعـّـان=ويصفح عن عـدوّه في رجا المعبود وإحسانه
شهــدْ له ( رودي) الباحث و( أدوَر) باحث الألمان=وقالوا ماخِلق مثله وهــذا قول عدوانه
نعم جانا رسول الله وحنّـا نعبــد الأوثان=ونقتل بعضنا والرجل منّـا يكـره أخـوانه
ونـوئد كل بنتٍ في المهود ونضــرب النســوان=ولا ناوي ولا نرحم ومن حـانة إلى حـانة
ولا مات الحبيب إلاّ وحنـّـا اكثر من أخوان=ولا ياكل ولدنا لقمــة ٍ من دون جـيـرانه
حفظنا للنسا حق ٍ وشيدنا لهم بنيــان=وصيــة سيـّــد الأمــة ليـوم الدين رنـّانة
لفتنا بأصدق الإسناد عن مسلم وإبن حبان=ومالك والبخاري نقحّـوا زوده ونقصانه
فــــداك ارواحنا وعيالنا والشيب والشبان=وصلى الله عليك إعداد نـوّ ٍ هلت أمزانه
[/poem]
نــاصـــر بن عبيــد بن جمعــان الغيثــاني
