لا والذي صورك صورة بديعة ،،، !!
[align=center]
أحبتي شعراء و أعضاء منتديات غرابيل الشـامخة
بعد ترحيبكم الحار المشرف لكـم والـذي أفتخـر فيه
يطيب لي أن أصافحكم بأولى قصائدي علها ترقى
لمستوى فكركم وعالي ذوقكم ، فأرجو قبولها مع
فائق احترامي وجزيل شكري ،،،
[poem=font="Simplified Arabic,4,black,bold,normal" bkcolor="transparent" bkimage="backgrounds/23.gif" border="none,4,gray" type=0 line=0 align=center use=ex num="0,black"]
/
\
/
\
لا والذي صورك صورة بديعة=ماهين فيك الحب وأنا ولد ناس
يا من كتبتي لي عبارة رفيعة=مثل الذهب و أغلا من عقود الألماس
والله ماني من رجال الخديعة=ولا من تلاعب بالمشاعر والإحساس
شريت حبك كيف وشلون أبيعه=وشلون أبيعه كيف يا عذب الأنفاس
عايشت ركب الحب فاحلي ربيعه=طلعت من بنك الهوى بشيك الإفلاس
حصنت نفسي فالحصون المنيعة=وكل الحواس الخمس ضباط حراس
اعزها عن كل شيمة وضِـيعة=أدور اللي يرفع القدر والرأس
ولا للفرص نهاز والسر أذيعه=في يوم كان السيف في حد الأمواس
وليا اختلفنا حول وصل وقطيعة=درب الرجا دربك وأنا دربي اليأس
أقسى على قلبي عصيته وطيعه=ويحاسبه عقلي بميزان وقياس
من خوف ختلات السباع المجيعه=تحطني ما بين نيبان وأضراس
للعلم حبك في حياتي وديعة=حتى الممات وتلحق الناس بالناس
/
\
/
\[/poem]
أخوكم
عبدالله مطلق الزايدي[/align]
