يعطي ولا يحسب وطيبه خراجـه=جوده من الموجود للضيف والجار
[poem=font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
رجل المواقف في الملاقي يواجـه=صيته ضهر بالطيب في كل الاقطار
واذا لفـاه الضيـف زاد ابتهاجـه=يسمع تراحيبه وهو باخـر الـدار
واذا نصيته طالب(ن)منـه حاجـه=تلقى كلامه ابشر وطـب واختـار
الصدق طبعه والفخـر دوم تاجـه=دمـاح للزلـه وللهرج يخـتـار
وكم واحد(ن)مستور يشعل سراجه=له في العلوم الغانمه دوم مقـدار
يعطي ولا يحسب وطيبه خراجـه=جوده من الموجود للضيف والجار
ماهو بمثل الـي يلـوي حجاجـه=واذا بدا له لازم(ن)جـاب لاعـذار
فيـه البخـل برغبتـه وبمزاجـه=دايم اسيـر المـال عبـاد دينـار
ضلع(ن)عوج مايستقيم اعوجاجه=محزم فشل من هو معه جاه بالعار
يقذف بيوت الناس وبيته زجاجـه=زراع للفتنـه وشـبـاب للـنـار
واذا مدحت الذرب زاد احتجاجـه=يشجب ويستنكر وينفيه باصـرار
يالي حسبت المال لك كل حاجـه=المال يفنى والزمن دوم دوار
[/poem]
