لو صورو فالهدف كوره مسددها=تطلع تسلل ليا سوو لها إْعاده..//..جديدي
[align=center]
(((بسم الله الرحمن الرحيم)))
السلام عليكم ورحمة الله وبركاته...
أحبتي اسعد الله اوقاتكم بكل خير اين ما كنتم....
إليكم جديدي عسى ان ينول رضاكم واستحسانكم....[/align]
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
كل الشياطين شهر الصوم صفدها=وشيطان شعري كسر لعيونك اصفاده
اتزفر الشوق زفره واتنهدها=يا بنت كاس الجفا ما ينشرب ساده
يعني ليا ابطيت عني لا تزودها=لك صاحبٍ ينتظر و اوصالك اعتاده
فكري يصافح حلومي لا رأى يدها=وأضوج فالحلم وارحل عنه وارتاده
وأستلقح العقل فكره من تولدها=لظى على جال فكري نار وقّاده
كل ما اقترب يمها زادت تباعدها=يا صعب مااْريد وأصعب منه ما راده
جزاير الحب من فرقاه وحدها=قلبٍ جروح الهوى قهوتْه وقناده
اْعروق قلبي وسام الشوق قلدها=تاج وكتب فوق تاجه يحرم رقاده
واللي أمّر بمرار من الجفا وادهى=حظٍ ليا قلت يصحى قال ما فاده
لو صورو فالهدف كوره مسددها=تطلع تسلل ليا سوو لها إْعاده
يعني من الحظ والحرمان اجاهدها=رحول همي بعادك صاير اْشداده
لازادت اْهموم قلبي قمت اكمدها=وأسمع لـفيروز والا احط مياده
النفس ماتت وانا بأعلن تشهدها=شوفي كفن موت ناصر صاير اْوساده
اْهموم لا اصبحت والا امسيت أعددها=تكالبت من جفاك وحيل مزداده
ياللي عليك المزايا من تفردها=كن الحلا يزدهي في عنقك اْقلاده
أهواك يا مهجتي كم كنت ارددها=من خافقٍ قالها تصميم وإراده
الهم خيمة حزن بعدك موتدها=وفراقك المر بين رواق و أوتاده
ياليت ترجع حبيب النفس تسعدها=شفني ابي اشتهر وافوز بيإْشاده
للحين ما حان يا رجواي موعدها=لكن ما ابيها تجي ثم تعلن ولاده
اْولادة اللي هجوسه ما توددها=تجيه بالطوع لا من هاض منقاده
فكرٍ للافكار لا جاها يبددها=ويسكّت اللي على الاشعار نقّاده
ودي ليا صرت فالحفله احددها=بداية الشعْر عندي ويوم ميلاده
وانتي معي والقوافي من تمجدها=تختال فاللي تبخترها يجي عاده
يا سكرة الشوق فيني من توجدها=غنيت انا بأعشقك مع صوت مياده[/poem]
