[align=center]مساء العطر مساء الورد مساء الجمال لرواد هذا المنبر الاعلامي (( غرابيل ))
أعزائي الافاضل قبل فترة قرأت في إحدى الصحف الخليجيه مقاله لاإحدى الكاتبات تسرد قصة زواج شايب عمره 80سنه من بنت عمرها 22 سنه وقد تعجبت من هذا الزواج ولا أطيل عليكم .
ومن هذا الموضوع كتبت هذه القصيدة عسى أن تنال بعض الاعجاب منكم
فإليكم ماكتبت :=[/align]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالربع بعض الناس ماهم يخافون=ماهمّه إلاّ المال يابري حاله
بيّع بناته بين صاحي ومجنون=بالغصب لجل المال ياوسع باله
واللي مثل هذا فلا هو بمامون=يبيعها بيع الجهل والضلاله
وفالمجتمع منبوذ وانتو تعرفون=ان الطمه مهوب عز وصماله
هانت عليه دموع وجروح وطعون=تبكي وتقبض غترته مع عقاله
يعني خذا فيها من المال مليون=مايدري ان المال منها زواله
واتزوجت شايب وعمره ثمانون=والمشكله لا شافت اصغر عياله
كنها تقول الموت ذا الليل مسنون=موتي ولا يصبح وانا في قباله
وإلاّ تعيش بعيشة اللي يموتون=حيّه ولكن عقلها في اهباله
وتخيلوا في يوم ويصير مديون=عقب الدراهم لا جمل لا جماله
يمشي على الاقدام حافي ومغبون=والناس تنظر له بنظرة جهاله
وإلاّ طلاق البنت والوضع مشحون=ويجيه ذاك العود يطلب حلاله
ماعاد عنده غير بيته مع الشؤن=ومن القهر تصفق يمينه شماله
هذا الطمع والظلم ياللي تقولون=ان العداله عند مثله عداله
موت الضمائر بالطمع صار مقرون=يوم الرضاء مفقود في كل حاله[/poem]
