[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه يامسندي كافر الليل=ليله ولكن عن ثمانين ليله
تعبت أخايلها مزون وهماليل=واصبرعلى حكي السفيه الهبيله
ماأقول خابت هقوتي بالمقابيل=وانخا ضلوعي للحمل وارتكيله
جمل.جمل ما طيحوك الرجاجيل=متعود شيل الحمول الثقيله
والياغدرك بخنجره بارد الحيل=خله يولي صدتك به كفيله
هبيت يا وقت الغثا و التهاويل=الشوك نابت بالغصون الظليله
تعبت والله يا زمان الغرابيل=كل يبي مني يبرد غليله
حتى ابرهه إيه! ابرهه راعي الفيل=شفته عليه غاير فوق فيله
وارسل عليه الله طيور ابابيل=يوم عصفت به مابقى به حصيله
راع الفتن والحسد والحط والشيل=قلبه سواد وصحبته مستحيله
معودنفسه على القال والقيل=ومجنب درب السنع والفضيله
صحيح تلقى بالاوادم مهابيل=وخطوى رجل ياليت ربك يشيله
اليا ليا زانت علوم التعاليل=يفطن على الغايب ويقضب شليله
ربك عرف له فارق العدل والميل=منيل حظه بستين نيله
متجنب سلم الرجال المداهيل=ويركض ورى درب الخطاءوالرذيله
لايحسب انه معتلى مهرة الخيل=ولايودع قصار السوالف طويله
وش عاد باقي يالقلوب المغاليل=لاصارضدك صاحب تشتكيله[/poem]
