المعمعه.....ودمع الحبيب...2في1
(((بسم الله الرحمن الرحيم)))
أحبتي أسعد الله أوقاتكم بكل خير......
إليكم ماجادت به القريحه على أمل ان ينال رضاكم...
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياليل لا أسدلت الظلام تسبـب احسـاسٍ فظيـع=يضيق صدري بالعنـا تايـه بوسـط المعمعـه
أتوه في دنيا العنا وأرجع على دربـي وأضيـع=تتحشرج انفاسـي وهمـوم داخلـي متجمعـه
أقل همٍ من همومـي شيـب بـراس الرضيـع=من شاف حالي هكـذا غصـبٍ تحـدر مدمعـه
قلبي من جروح الهوى ينبض على الرتم السريع=نبضٍ تلج ابه الظلـوع يـروّع اللـي يسمعـه
حالي غدا يوم الوداع المـر والفرقـى مريـع=والحزن يبني حول قلبـي فالمفـارق صومعـه
حتى سقطت اْمن الحْزن والهم وجروحي صريع=من يوم لوح واعلن الهجـران والبعـد أزمعـه
كنه يتل القلب مـن عرقـه بهالفعـل الشنيـع=إلين دمعي فوق خـدي بـان غصـبٍ ملمعـه
كانت حياتي قبل توديعـه كمـا زهـر الربيـع=ومن يوم قفى خذ ربيع العمر واقفا بـه معـه
أثر الزمن يا ناس لا منه بغـى يقلـب وضيـع=ويسل سيفه ثم يطعن شخص اكبـر مطمعـه؟
أنه يعيش الحب من قلبٍ عـن الزلـه رفيـع!=يطعن بسكيـن الجفـا ويذًوبـه مثـل اْشمعـه
ليت النهار اليـا طلبتـه يجلـي الليلـه يطيـع=ماكان اطوّل ساهـرٍ بالليـل وسـط المعمعـه
[/poem]
وبما ان لي مع الليل حكايه لم تنتهي .....
[poem=font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ليل وظـلام وغصـه وآه ودْمـوع=وهم وشجن واحزان ليـل المفـارق
والدمع صب ومحجر العيـن ينبـوع=ما للأمل في لاحـظ العيـن بـارق
تكّايتي تشكي ألـم موضـع الكـوع=والشوق من عيني هنّا النوم سارق
ورمح الفراق الي طعن قلب مصروع=طعنة قفى بالغدر والرمـح خـارق
حتى غدا نبضي من الحْزن مسموع=ياكنّ نبض القلب صـوت المطـارق
اسرح واشوفك وانتبه شبه مفجـوع=وأحس شوقي داخل القلـب حـارق
للحين احبك بس تكفى بـلا رْجـوع=ما عاد ابي حـبٍ بالاحـلام غـارق
والشجْره الي مالهـا ظـل وفـروع=اكيـد مـا فيهـا ولا غصـن وارق
الوقت يطفي كل ما نضّوي شْمـوع=وانته بعـد تطفـي ولاكًـن فـارق
انك تطفيهـا مـن عيونـي دمـوع=دمع الحبيب الـي حبيبـه مفـارق
[/poem]
