السلام عليكم ورحمة الله وبركاته
كتبت للتواصل ومعها !!!!!!!!!
[poem=font="Simplified Arabic,5,blue,normal,normal" bkcolor="transparent" bkimage="" border="double,4,gray" type=1 line=0 align=center use=ex num="0,black"]
يوم شفت الجو لابـاس كنـه فيـه غيـم=قلت اروح لراعي البل واشوف أخبارهـا
مير اجمّع عزب القهوه وتمـر القصيـم=واركب اللي كـل خـطٍ يحـك بزارهـا
وبعد جيت المفرق اللي يوصلنـي سليـم=لين أبه شايـب عيونـه تهـل أعبارهـا
قال وصلني معك قدم كـان أنـك كريـم=بس لاتسألنـي عـن العـرب وديارهـا
قلت ابا وصلك ياعود انا افدا ذا الخشيـم=وانت تهدينـي نصيحـة وفـا تختارهـا
قال انا ابا انصحك وارحل ماعاد اني مقيم=والنصيحه معك امانـه تفـك اصرارهـا
اسمع ، آنا الشعر وآنا المغربل والسقيـم=السفاهيـن ابمحيـاي شـبـت نـارهـا
ويش اعد ويش اخلي رياجيـل وحريـم=النزول اليا حضيض الحضيض شعارهـا
عيفونـي كـل ماقيـل فيّـه مـن قديـم=والقنوات الهـم نشوفـه يطبـل طارهـا
كلمةٍ ياجعـل ميقاعهـا وسـط الصميـم=عل بعض النـاس فيّـه تعيـد انظارهـا
والا انا بموت وارحل وخطـي مستقيـم=مارضيـت ان المعانـي يشـق ستارهـا
وصّل اللي قلت للنـاس وافهـم يافهيـم=وانفض الفرشـه لعلـه يطيـر غبارهـا [/poem]
