قصيدة ( تتكلم عن النمام و بماذا وصف الله النمام )
[align=center]وصف الله سبحانه وتعالى في كتابة الكريم النمام ( زنيم اعزكم الله )
كما انه يقال ان النمام في الساعة الواحدة قد يصل من الخراب والدمار مابين البشر
مالم يصل اليه الساحر في عام كامل كفانا الله شرورهم والمسلمين اجمعين[/align]
[poem=font="Simplified Arabic,6,darkblue,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black"]
نمام مايكفي كلام الشريعه = ما يدخل الجنة من الخلق نمام
نمام كيف ابليس قلبك يطيعه = تنسى كلام الله ورسوله بالاسلام
فرق تسد صارت لقلبك طبيعه = والغاية تبرير الوسيلة لك وسام
تحلف على سرٍ خذيته وتشيعه = تكشف ستر من يامنك بعد الاقسام
تحكي لهذا وذاك لجل القطيعه = مثل النصوح ومقصدك قطع الأرحام
تحكي مع العالم بنفسٍ وديعه = وفي داخلك شيطان خاين وذمام
كم واحدٍ خليت نفسه وجيعه = زيف الحقايق حتى في هاجسه هام
الكذبة دايم جاهزه لك سريعه = ابليس كنك تدخل الخلق بوهام
في المصلحه يمكن حبيبك تبيعه = برخص ثمن والحب تاطاه بقدام
ودك على الأكتاف ترقا الرفيعه = وتشوف نفسك فوق والعالم اقزام
في الساعه تعمل لك امورٍ شنيعه = اشنع من اللي يعمل الساحر بعام
ويمكن ماتسلم منك طفله رضيعه = ويمكن تناظر رزق لأطفال ايتام
النفس مشفوحه وعينك وسيعه = ماترتوي وتشبع على طول الأيام
وش فايدت جاهك ونفسك وضيعه = واللي خذيته ظلم بهتان واجرام
يكفي وصفك الله بصورة بشيعه = ( زنـيـم ) معنى تستحي منه الأقلام[/poem]
