هذي قصة صارت لي ... قصة حقيقية ... لا تقبل القسمة على اثنين << لا تكون مباراة نهائية :)
استلموووووا قصتي ,, الله لا يعيدها لأنها خلت ( رئبتي أد السمسمة ) << مصري
طلعت أنا واثنين من أخوياي ( كل واحد يقول الغباء عندي ) << ترى مالهم دخل بالقصة بس لعانة ابي أسبهم
,,, المهم وقفنا عند سوبر ماركت ,, ونزلت أنا علشان اشتري لهم أكل جعلهم ما يحدرونه ,, ورجعت لهم بسرررعة
ومشينا للاستراحة ,,
وبعد ساعة من وصولونا للاستراحة .. اتصل علي واحد وقال :
*ألوووو السلام
** وعليكم السلاااااام
* الأخ عشق << والله إنه قال سعد بس لزوم المنتدى
** أيه وش تبي << أخلاقه تجارية لأنه ما يدري من يكون اللي يكلمه
* لا تنفخ ,,, بطاقتك معي ,, أنت مضيعها
** بطاقة الأحوال حقتي ؟
* لا بطاقة الفيرزا يا الطفران ,, أيه بطاقتك الأحوال ,, تذكّر وين ضيعتها
** أيييييييييييييه شكلها طاحت مع الفلوس يوم جيت أحاسب للدلوخ عند السوبر ماركت .
* أي دلوووخ ؟
** لا طال عمرك هذولا ناس ما تعرفهم << زانت الأخلاق لعيون البطاقة بس
طيب وشلون جبت رقم جوالي ؟
* أنا قريت اسمك في البطاقة ,, واتصلت على واحد من أخوياي في الاتصالات وعطاني مية جوال باسمك
كلها مفصولة خخخخخخخ << طاح وجهي
** بالله << من آثار طيحة الوجه
* أنت وين تشتغل ,, أحس إنك بزر ,, كيف تضيع بطاقتك يا بزر << بدا يرفع ضغطي وأنا ساكت
** هاااه ,, أنا اشتغل مكحل سلق << قلت اقلب الجو مزح قبل لا اطلع له مع السماعة
* تكنت أنت وخشتك ,, هذي بطاقة لك والا بطاقة لخشمك ,, لعنبو دارك كلها خشمك ما لقيت وجهك << ضغطني
** المهم وين ألقاك طال عمرك علشان آخذ البطاقة ؟
* البطاقة ,, تحلم تاخذها ,, ألين تعرف قيمتها .. والله ما تشدها إلا بعد شهرين
** تكفى يا اخوك ,, وراي أشغال ضرورية لازم أخذ البطاقة ,, تكفىىىىىىىى
* أقوووووول اللي مثلك ما وراه شغل ولا مشغلة ,, رح كحّل السلق بسسسسسسس
** تكفىىىىىىىى ما عمري قلت تكفى لاحد << والله إنه قالها لين دااااااااخ
* طووووووووووووط طوووووووووووووط << قفل بوجهي ابن اللذينا
ولا عاد يرد على جوالي ,, ثلااااااااااااث أياااااااااام ما يرد ,,, والله يا قلبه بااااااااارد
وأحيان يرد علي ويقول أنت من ؟ ما اعرفك ؟ ويقفل الخط بوجهي
ومررررررررة من الساعات هههه رد علي وقال
* أنا بصراااحة أحس إني أجرمت بحق مواطن برئ
** أي والله وأنا أخوك ,, والله من يوم ضاعت البطاقة صرت أحس إن إقامتي غير شرعية بالسعودية .. ومن يوم اسمع طاري جوازات تجيني أم الركب ههههه
* لا تقعد تتمسكن ,, خلااااااص خلال اليومين هذي أحاول اواعدك بمكان واعطيك إقامتك << عليه دقاات
** بسرررعة الله يرحم اللي جابك
طووووووووووووووووط طووووووووووط << عادي عنده
وقبل البارح اتصل علي واحد من أخوياي الطفارى اللي يصرفون الرواتب ليلة 25 من الشهر ,, وقال لي
* هلااااااا يا سعد
** هلا << قافلة معه من أيام النكبة
* تعرف واحد اسمه ( ...... )
** لا والله ,,, ليه؟
* لقيت بطاقتك في وسط محفظته
** وييييييييييين لقيتها ؟ << بيمووووووت من الفرح
* لقيتها عند صراف البنك فوق مكينة الصرف
** طيب الحين وينك فيه ,, ابي بطاقتي ومحفظة ابو الشباب << ناوي له
* ابشرررررررر أنا في السوق الحين
** طيب لحظة واتصل عليك باي
واتصلت على ابو الشباب اللي قاهرني وماخذ بطاقتي ورافع ضغطي من اسبوع
* ألوووووووو يا ابو الشباب
** هلاااااا بالعلة << ما يدري إن محفظته مع خويي هههههههههه
* تعال بطاقتي معك الحين؟
** لا في بطني ,, أيه معي ,, وش تبي
* بالله تأكد إنها معك
** يا اخي معي .. وحاطها بمحفظتي بعد
* طيب شف محفظتك معك الحين ههههههههههههههه << يا مجرررررررررم :ee:
** أفااااااااا وين محفظتي ,, بسم الله الرحمن الرحيم
* أنت فلاااااااان بن فلااااااان الـ ...... صححححححح
** أيه ,, كيف عرفت ؟ أكيد من الاتصالات صححح
* اتصالات في عينك ,, يا حقيررررررر ,, محفظتك بكبرها معي ,, مهوب عاد اسمك
** بالله من وين جبتها
* مهوب شغلك يا بزر يا حقيررررر << مسكت معه على حقيررر ,,, أجل تشتغل في مصنع للملابس ومسوي مثقف
وولد نعمة ,, يا شيخ والله ما تشدها إلا بعد سنة ,, بطاقة وقعدت تقول لي بعد شهرين ,, الحين انطق سنة بدووووون محفظة هههههههه
طوووووووووووووووووووط طووووووووووووووووط << أنا اللي قفلت المرة هذي لأنه مهوب قد التقفيلة الحين
ويجلس يتصل علي ,,, وأنا جاحده ,,
وفي الأخير ارسل لي رسالة يقول فيها (( هذا مهوب وقت مزح ,, صدقني ما اقدر أدوام بدون بطاقة العمل .. خذ بطاقة الأحوال وعطني بطاقة العمل والصراف ))
وأنا عاد رحمته واتصلت على خويي اللي معه المحفظة بالسوق وقلت ترى بيجيك راعي المحفظة عطه محفظته ,,
واتصلت على ابو الشباب وقلت رح خذ محفظتك من خويي تلقاه في محله في السوق ,,
المهم حدث مالم يكن في الحسبان ,, خويي الغبي يوم جاه ابو الشباب عطاه المحفظة
وما قصر ,,, بس اللي قاهرني إنه ما طلع بطاقتي من محفظته ,, وأخذها ابو الشباب معه ,,
وشووووووووووووووووووووي إلا ابو الشباب يتصل علي ويقوووول
* هاااااااه وش عندك يا بزر ,, الحين بطاقتك رجعت لي ,, ولا راح تاخذها إلا بعد سنتين يا حقييييييير << أنا أمد الراء بس هو يمد الياء
طوووووووووووووووط طوووووووووووط << قفلت بوجهه
وعلى طووووووووول اتصلت على خويي
* ألووووووو يا الدلخ أنت وش هببت أعطيت ابو الشباب محفظته وفيها بطاقتي << احتريه يقول لا
** ايه
* ليييييييييييييييييييييييه ؟
** ما دريـ طووووووووووووووووووط طووووووووووط << قفلت بوجهه ما عاد منه نفعة
اتصلت على ابو الشباب ,, ومثل كل مررررررة يهزئني ,, ويشرشحني ,, ويقوووووول يا بزر ,, يا حقير .. وأنا ساكت
المهم سحبني على وجههي ,, خلا اللي ما يشتري يتفرج ,,
وابشررررررررررررررررركم قابلته بعد صلاة الجمعة اللي راحت ,,, وأخذت منه البطاقة ,, وهو يضحك ,, وأنا بعد أضحك بس من غير نفس
وعزمته على غرابيل وقلت تعال سجّل عندنا .. تدروووووووووون ليه ؟؟؟
علشاااااااااااااااان اكتب تحت اسمه
( حقيررررررررررر وموقوف من قبل الإدارة هههههههههههههه ):D
