جديدي بعد غيابي ( ماعشقت الا بنيه بس وايش هي من بنيه)
السلام عليكم ورحمة الله وبركاته
بعد غياب دام طويلا اعود اليكم لاضع بين ايديكم هذه المتواضعه املا ان تنال ولو الشئ البسيط من اعجابكم واستحسانكم
من يقول العشق صاير يامحمد لي خطيه
قــله النـيران زادت في دواخلنا لهبــها
علمه ان الاصابع ماتساوت في يديه
والبشر مثل الاصابع ماتساوى في عربها
ماعشقت الا بنيه بس وايش هي من بنيه
واحده مازعلتــني غـير مره في طلبــها
يوم قالت في براءه ماابيك تموت فيه
بعدها صرت المعذب حتى في طلة كتبها
من غلاها صدقوني مابقى فيني بقيه
صرت كني من غلاها دمعة تسكن هدبها
مره القاها عذاب ومره القاها شــقيه
ومره احسـبها مريضه واثرها حالة أدبـها
خل عنك الوصف بتعب لو اوصفها شويه
وادري انـي مابوفي حقها ربي وهبها
حبها حب غريب ونفسها نفس(ن) ابيه
ماتصدق لو اقول صرت شاعر من سببها
لاتقول العامريه وايش تكون العــــــامريه
فيه منــهو جاد بالحب وتحداها وغلبـها
واحده لوقلت روحي ادخلي في نار حـيه
ماتوانى لو دقيقه لو سحبها من سحـبها
ولو اقول ابكي سنينك قالت ابشر ياعطيه
احمد الله يامحمد يوم ربي لي وهـبها
