أنك أعظـــــم من صدفته يالجفــــــول !!
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياوجودي وجد مـن يبغـى يطـول=قـاع جـم ٍ نشهـا دلـو المحـال
ارهجت با القيض من عقب الفصول=والضمى لا حق ولا فيهـا جِـدال
التفـت حولـه إليـا ذوده يجـول=ومن الضمى هالذود جايله إجتـوال
انهلـك ذوده وهـو جنبـه يقـول=يالله انـي طالبـك رزم الخـيـال
ومات ذوده ولابقى إلا له رحـول=يشتكيها من الضمى وبعد الرحـال
وجدقلبـي يافهـد ريـم ٍ جـفـول=لابدى الصيـاد راجـت بالجفـال
شف قلبي منوتـي بنـت الأصـول=بنت شيخ ٍ جامـع ٍ كـل الخصـال
إن لفاه من الزمن .. جول الزحول=مجلسـه ملفـا طحاطيـح الرجـال
لابتـه بالمعجـزات إلهـا فعـول=وفي القبائل اصبحت اكبـر مثـال
كنت والله طفل مدري ويش اقـول=وأسمع الشيبان تهـرج بـإ نفعـال
يذكرون // السبع // ويغشاني ذهول=من رجـالاٍ دكـت حـزوم القتـال
وينتشيني بفعلهـم صهـل الخيـول=عزوتي من صيتهـا جـود الفعـال
لابتي يالذيـب ليـا فـزت تصـول=وتدرك الفريس من وسـع المجـال
شيخهـا شيـخ ٍ تسمابـه كـهـول=فـارس ٍ عقـب صناديـد ٍ زحـال
وانتي افخربك وانا ؟ كلـي مثـول=لبنت شيخ ٍٍ مرقبـه روس الجبـال
ويش اسمي من غلاتك ويش اقـول=لحرفي اللي فاز بك أعظـم مقـال
لو يـدوم الوقـت والعالـم تـزول=وعشت ذاك الوقت .. حبك لايزال
انك اعظم مـن صدفتـه يالجفـول=وانك .. اغلى ريم .. سميته غزال
[/poem]
