بديت ذكر الله ولاني بخسران .. ومن لا ذكر ربه حياته خساره
بسم الله الرحمن الرحيم
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بـديت ذكــــر الله و لانــي بـخـسران= ومــن لا ذكــر ربــه حـيـاتـه خساره
يـالله ستـرك مــن تـقـلـب هـالازمـان= ونـتــاج مـا تـفــرز عـلـيـنا الحضاره
ابـخـتصر يـكفي عـن الـنـص عـنـوان = اخــيـر مــن كـثـر الــكـلام اختصاره
لقيـت في كـثــر السواليــف نـقـصان= ولـقـيــت فــي قــل الـكـلام اعتباره
مـانـي بـلا مـزري و لانــي بعجزان= عـنــدي عــلى فـتـل البـيـوت اقتداره
الـيا دعـيـتك يـالـقــوافي و الالـحـان= عــنـدي تـعـالي حـضـري بـالاشــاره
سر يا قلم واكتب بعد خـاطـري زان= اكـتـب وانــا بـاملـيك جـزل الـعـباره
مــثـايــلً فـيـها مــواعــظ للاخـوان= ويــن اللبـيــب اللــي يـحدد مـسـاره
امــا نـعـيمً يــودع الـقـلب فــرحـان= و لا جـحـيـمً فــيــه شـــر وشـــراره
يـالي تـبـى الجنة تــقـوى بـالايمان= طــاعــة ولــي الـكـون هــي الـتجاره
الـفــرض صلـه واد حـقـه لـيا حان= مــا يـقـبـل المــوضوع مـنـك انـتظاره
مـا يـنـظـر الله للـوجـيه و للابــدان= عـنـد الــولي قـلـبـك تـكشـف ستاره
اخذ النصيحة واسمع العلم يـا فـلان= مــا دمـت بـالمهله وجـتـك الـنـذاره
للـــنــار وقـــاده و للــنـار خِـــزان= وامـــر الــولــي مـنـفـذيـنـن قــراره
اهــون هـل النار بـعـذابه يـالاخوان= يـوضـع تحـت رجيـله شعلة جماره
يغلي دماغ الراس مـن هـول مـا كان= ويـضـن مــا احـدً ذاق مـثـله مراره
نــارً بـهـا ضـلمه وشـوكً وحـقـران= يـا ويــل مــن هــذا مـكـانـه وداره
يــا وامـن الدنياء تــرى مالها امـان= يـقـطـعـك يـادنـياء الفنى والـدمـاره
تــقــبل وتـقـفي هـالـيالي بـالانسان= حـيـل و بـعـضهنه تـبـيـن عـشـاره
عيني تعاف من النظر بعض الاحيان= اهــل المـعاصـي بـالمـعاصي جـهـاره
يــالي تـجـر الـثـوب بالكبر غـلطان= مــا يـنـظـر الله لك و لا لك وقـــاره
ويـالي بمالك تـشـري المـوت فسقان= تـرخص حيـاتــك ليه لجل الـزقاره
مـالله خـلـقـنا نـتـبع النفـس شيطان= الله يـزيـد اهل الـعـقـول اسـتـنـاره[/poem]
القائل / اسامة بن سعد العتيبي
