اه اه الرحلة وانتهت بالسلامة ورجعنا حقكم
السلام عليكم ورحمة الله وبركاته
كيف الغربولين انشاء الله بخير
رجعت بعد مده طويلة وابي اشوف بتتذكروني ولا لا
بس والله العظيم طول ماني في الاجازة وانا تفكيري معكم تصدقون انها احلى اجازة اقضيها فيها لحظات حلوة وفيها لحظات شينة بس كلها عزايم عند الشيبان
يوم في بيت جدي فلان ويوم في بيت جدي مدري شسمه
لو احلفلكم اني اروح بيوت الخليقه ومدري شساميهم
وتشوف الشيبان عاد اذا عنده بنيه لصق فيك وقالك مشاءالله صرت رجال يتكل عليه والله يبيلك عروس
واذا جلست على السفرة عينه ماتفارقك يقطع لك اللحم
ويحط لك سلطة ويقول بنتي مقطعتها الخيار وش كبره بغيت اغص فيه قلت شكلها تحسبه ايدام مالت عليها بغيت اموت بس يالله كلها نفخة بلكروش بصراحة يبغالي رجيم قاسي بعد ذيك العزايم صار وزني خمسه واربعين مالت علي وعلى فكره بصور كرشتي وبنزلها لكم خخخخخخخخ اجازتنا كانت عشر ايام بأبها البهية وفقعنا راس رجال بلحبلة قلك صويب يبي يصوب على القرود صوب على غوريلا والمشكلة قايل ولد عمتي عادي القرود اليفة ماتسوي شيء الا ويطلع لي ذاك الغوريلا العبد يمكن وزنه 600كيلو تدرون منهو ذا الغوريلا ولد شركة
الاتصالات السعودية يمه منه بس بنهاية دقينا صحبة
وبعدين باليل مشيت من الخرعة اللي شفتها
والله كنا بنطول لو لا الظروف حسبي الله على بنت خالتي مالقيت تعرس الا يوم رحنا من الديره داقه علي الا احضر ملكتها الا كنت بشوت يعني بطول .
وبعد ماحضرنا الملكة رحنا لطايف والصيف فيها احلى
واول ماوصلنا رحنا حديقة برحة القزاز اللي كنا ساكنين قربها وفجئه وانا ماني داري الا وانا اناظر براسي فوق
ولا شفت ياهي شوفه بنتين تقول فيله والمشكلة طول وانا ماناظر وهم يأشرون ويبوسون حسبالهم اغازلهم مالت عليهم ورحنا لحديقة الملك فهد وي وي وي ركبنا المقص وستحلينا الجهة كلها ركبت وياليتني ماركبت
نزلت وانا اتهاوع يعني ابي ارجع والصياح كنه صيح مره تبي تولد. الا وذيك البنت تقول
كفو رجال وحدة تقول تستاهل ماجاك ووحدة تقول امحق رجال وبعد ماخلصوا رحت لحمامات الرجال ارجع
وبعدها حلفت ماعد اركب ولا لعبة ..
ورحنا لمكة واخذنا عمرة وتفاسخت ارجولي وطحت يجيء خمس طيحات والله المستعان ونكسرت ارجولي ورجعت لجدة بجبس على رجلي و
صاقعت بوحدة من الحجات الا وهي تنافخ علي تقول كنت بأكلها ...
وحسبي الله على البنات يغازلون حتى بالحرم
شغالين يغمزون بليسار واليمين
وبعد مكة انتهت رحلتنا بالسلامه ........
